Latest update April 17th, 2024 12:59 AM
Dec 17, 2018 Dem Boys Seh, Features / Columnists
De coalition government got a lot of fighters. When de local government elections done is then dem start talk fat. Li’l Joe tell a meeting “No more nice guy.” Dat is wha Dirty Harry did tell a crook after he boss tek way he badge.
At first, dem boys thought he was talking bout he face because it ain’t nice. Even Basil de Willie did tell dem people at Congress Place dat Li’l Joe ain’t a nice guy. But wha Li’l Joe did mean is dat he don’t intend to behave like a nice guy.
But then again, dem boys know dat he never behave like a nice guy. He stand up and announce dat anybody who did tek de vehicles from de government didn’t have to worry once dem bring it back and park it.
Jenny tek de will fuh de deed and she do dat yet Li’l Joe mek she get charge. To dis day, she still vex because he nearly mek she sleep in East La Penitence.
Now dem got Amna. She is always a warrior. Dat is why Jagdeo don’t want nutten to do wid she. She did tell him dat she gon see him in jail and he believe she. He even tell de Chat-3 to prepare to defend him. Of course, de Chat-3 don’t have to get an invitation to defend any party member.
He handle couple cases and he win. Dat was when he start to ask if Basil de Willie know anything bout law. He even talk hard how Basil de Willie lose a law school. But when Basil win de big cases against him was anodda story.
Anyhow, dem boys talking bout Amna. Jagdeo file a no-confidence motion against de coalition. He wait till Soulja Bai was in Cuba to do dat because he believe de Parliament woulda be short pon de coalition side. But Moses never stop going to Parliament and Jagdeo get vex.
Dat is how Amna watch he full in he face and tell him, “Bring it on.” And when she seh suh, she puff up she chest. Jagdeo seh he gon bring it on.
Since then Amna training hard. Dem boys she, dem see she joggin pon de seawall. She and Soulja Bai gon lead de attack against de motion. Jagdeo and he team gon have to drink a lot of salts to mek de motion really powerful.
Talk half and wait fuh Friday.
JAGDEO ADDING MORE DANGER TO GUYANA AND THE REGION
Apr 17, 2024
2024 CWI Regional 4-Day Championships Round 7…GHE vs. CCC Kaieteur Sports – After a highly-successful round 6, Guyana Harpy Eagles will look to take full advantage of the out-of-sorts...Kaieteur News – Every school teacher should take a close look at the students in his or her classroom. The probability... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]