Latest update April 19th, 2024 12:59 AM
Nov 10, 2018 Dem Boys Seh, News
Guyana shame. In fact, de whole country shame after early yesterday. A Fly Jamaica plane develop problems and had to turn back to de airport. Nobody didn’t expect wha happen when de plane land but de pilot do everything and manage to stop de plane.
But before it could stop, it crash. De pile of sand at de end of de airport help stop de plane. But de wheel break off.
Is after that de whole country get shame. De firemen who rush to de scene behave like vultures. Dem pick de passengers. In fact, dem pick anything that dem could put dem hand on.
Is when de pilot seh he lost he phone and some cologne mek de thing buss out. De Fire Chief decide to search de men right deh.
He ask de pilot fuh he number and ring it. De phone ring in a fireman crotch. From them people start fuh dump stolen goods.
People start to squeal pun one another and by de time de searching done 14 of dem been in de hands of de police.
Dem boys seh this thiefing is now a habit. Anytime dem got a fire people got to lock up everything and hope dem nah bun.
When de Traffic Chief house ketch fire and de firemen tun up was de same thing. De boss man had to step in fuh de man get back he things.
Now any plane that develop trouble prepare to fly over Guyana and go to Trinidad. That is how bad dem frighten de first responders.
Dem boys know that this thing wasn’t so bad until Jagdeo mek thiefing a national policy. De Berbice Bridge got a contract that is a lesson on how to thief and get away wid de money.
Anodda one is de Marriott contract. Dem firemen seh dem don’t have a contract suh dem got to mek do wid wha dem got.
De police ain’t no different. When dem got accident pun de road people does lose watch, ring, bangle and anything that ain’t bolt down. If you search dem first responders you would find everything.
Talk half and know that water can’t wash way Guyana shame.
Where is the BETTER MANAGEMENT/RENEGOTIATION OF THE OIL CONTRACTS you promised Jagdeo?
Apr 19, 2024
SportsMax – West Indies Women’s captain Hayley Matthews delivered a stellar all-round performance to lead her team to a commanding 113-run victory over Pakistan Women in the first One Day...Kaieteur News – For years, the disciples of Bharrat Jagdeo have woven a narrative of economic success during his tenure... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]