Latest update April 25th, 2024 12:59 AM
Nov 09, 2018 Dem Boys Seh, Features / Columnists, News
Crooks does look fuh every means to avoid going to jail. Some does pretend dem sick and got to go overseas fuh medical treatment. Some does blame odda people because dem does tell a judge or magistrate dat is somebody else tell dem to do wha dem do.
Yesterday, de Chat-3 go to court to tell de court how Brassington and Ashni not responsible fuh giving away government property like Pradoville and de Sanata Complex and some odda thing. De magistrate blink when de Chat-3 seh SOCU should charge de whole Cabinet and dem should charge Marcie who was Brassington Secretary.
De man know dat Jagdeo can’t get charge while he was president but de Chat-3 probably want to see him in jail because he suspect Jagdeo wouldn’t nominate him to be presidential candidate. Then de man tell de magistrate how Marcie Nadir use Brassington because she is de secretary fuh NICIL. De Chat-3 seh she should be one of de people charged, not Brassington and not Ashni.
Dem boys hear Jagdeo call him as soon as he lef court and ask him wha stupidness he saying. He ain’t answer up to now.
But is unfortunate dat dem magistrate got to sit down in de court and listen to all dem impossible things wha de lawyers does seh. De Chat-3 tell de magistrate how Ashni and Brassington had to act because de Cabinet tell dem to.
Dem boys want to know if de Cabinet did send Brassington and Ashni to bun down a house whether dem would have run to do it. De Chat-3 now mekking out Brassington and Ashni to be robots without brain. But then again, dem boys seh he might be true.
De Magistrate mek she notes while de Chat-3 was talking and she wonder if all of Jagdeo Ministers use to do wha he tell dem. Dem know dat Jagdeo send Satira Gyal to cuss out de Ambassador from Uncle Sam and she go and do it.
Chat-3 know wha he was saying but then again, nuff people does do wha people tell dem but dem got to get a cut.
Talk half and wait fuh de Chat-3 blame somebody else.
Jagdeo giving Exxon 102 cent to collect 2 cent.
Apr 25, 2024
By Rawle Toney Kaieteur Sports – The French Diplomatic Office in Guyana, in collaboration with the Guyana Olympic Association and UNICEF, hosted an exhibition on Tuesday evening at the...Kaieteur News – Dr. Bharrat Jagdeo, the General Secretary of the People’s Progressive Party, persists in offering... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]