Latest update April 18th, 2024 12:59 AM
Oct 22, 2018 Dem Boys Seh
All over de world people does name roads, facilities and structures after leaders. De US got JFK airport; Guyana got CJIA. Dem got schemes, name after Burnham pickney dem. And dem boys ain’t talking about kakishness. Dem talking about housing schemes—Melanie is one and de odda one is Roxanne Burnham.
Guyana name a whole town after Burnham and a conference centre after Arthur Chung. Dem got plenty roads and villages name after people. Those were de days when you had proppa structures, proppa roads and things like dat.
Today wid de kak dat passing fuh roads, facilities, and structures; dem boys suggest dat Soulja Bai name every project after de contractor who build it along wid dem address, dem phone number, dem wife name and even dem pickney name.
Dem boys believe if Soulja Bai heed dis advice, de quality of roads, facilities and projects will improve immediately.
Dem boys want to remind Soulja Bai dat because of de kak wuk wha Guyana been getting from every Tom, Dick and Harry mek dem had to borrow another US$82M and pay interest, too.
De kakishness nah only deh wid de contractors; it deh wid de people who giving out tax exemptions. Imagine last year GGMC and Go-Invest give away more than wha Guyana borrow in 2017.
Soulja Bai should tek a check on dat and he gon see, he coulda save US$200M in de coffers.
When dem boys hear there is no proper records to show what exactly what dem giveaway and who dem give to, dem remember Jagdeo right away.
Jagdeo never install the module dat records money going out. He only got record of de money coming in.
Jordan, who tek over, tell everybody in 2016 how he gon mek sure the computer people put in all the system to record money going in, money coming out; who getting what and how much dem getting.
He gon know wheh dis deh and wheh dat deh.
To date, the AG says Jordan ain’t do nutten. He just like Jagdeo. He wuk wid Jagdeo too long. If he did do wha he seh he woulda do, de AG woulda able to tell Guyana who get what and when.
Talk half and ask when Jordan gon install de recording modules.
JAGDEO ADDING MORE DANGER TO GUYANA AND THE REGION
Apr 18, 2024
SportsMax – West Indies captain Hayley Matthews has been named Wisden’s leading Twenty20 Cricketer for 2023, as she topped all and sundry, including her male counterparts. Alan Gardner looks...Kaieteur News – Compliments of the Ministry of Education, our secondary school children are being treated to a stage... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]