A man talk he mind and Jagdeo claim how de man step out a line. Dem boys know dat Ramson got ambition. He really think he is de best person to be president. Dat is how he give de interview. He coulda give dat interview before de third term ruling come out but he was one who frighten Jagdeo.
He had to keep he thoughts to heself because if Jagdeo did win de third term then he, Ramson, woulda been in pickle. It woulda mean he challenging Jagdeo. But although he wait, he still in trouble. Jagdeo signal dat Ramson goose cook.
He tell a press conference how any PPP presidential candidate must be simple but how Ramson arrogant and dat can’t wuk. Dem boys signal dat Jagdeo done signal dat people can forget all de talk bout democracy. De PPP controlled by de work according to Jagdeo. “Dem can’t get rid of me.” Dat is wha de man tell everybody, yesterday.
Dem boys now seeing why Jagdeo is de king of Freedom House. De Lindo Creek Commission of Inquiry did want to talk to Rohee, De Chat-3 and Jagdeo but none of dem didn’t even tun up. Dem boys believe dat all of dem know something bout wha happen. So dem refuse to go to de Commission. Jagdeo tell dem not to go.
Yesterday he justify why dem refuse to go and he gon do it again. All of dem learn dem lesson from de time when Jagdeo did sue Uncle Freddie. Luncheon go to court and get trap. He tell dem boys he would never go back to another court.
Jagdeo learn from dat time and he decide dat he would never go back in a court. Dat is why he keep far from de commission.
And dem boys watching de confusion in de courts. De odda day a man get three years jail fuh eight gram of weed. Yesterday a woman get eight months fuh 70 grams of weed. De law ain’t change but strange things now happening in de court.
Talk half and watch Jagdeo wid Ramson
Mar 22, 2019After four days of pulsating action in the Commissioner of Police Birth Anniversary Inter-Division and Branches T20 cricket tournament, the afternoon game between defending Champions President Guards...
Should the Court of Appeal today turn down the decision of the Chief Justice (CJ) that the no-confidence vote (NCV) on December... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]