Latest update April 25th, 2024 12:59 AM
Jun 14, 2018 Dem Boys Seh, Features / Columnists
People don’t know wha dem do till some of dem try to get a visa. Dem underestimate wha does deh in de newspaper. Everything that deh in de newspaper does end up on de internet and once it get deh is like tar pun a white shirt.
A man get arrested and charge because somebody seh he know how drugs get put pun de plane. He case eventually dismiss but when he go to get a visa de people in de embassy tell him bout this thing, and refuse him.
Some of dem dead and gone but dem had de same problem. One police commissioner allow a woman to con him. She mek him do de gods to she and then she holler rape.
De embassy people refuse to give him a visa after that but dem still giving de woman a visa. And she got some men busy in de States.
That is why ExxonMobil don’t like wha printing in de newspaper. Everything does go on de internet and it don’t come off. Years later de material still deh pun de internet.
Of course, dem boys seh if is nice things de newspaper got Exxon would be happy. But dem boys does hardly seh anything nice and therefore whatever dem seh gone abroad.
But this is wheh things does get different. When you got money you really don’t have a problem. And when you is American you only have a problem when you behave bad in Europe.
Exxon got a way of paying money to people to do and seh nice things about it. A certain reporter got Exxon every morning pun de radio talking bout demself and saying nice things.
De only thing is that few people does hear.
Dem boys notice that a gold company doing de same thing. It does cook and feed some old people and get publicity in de newspaper. But wha dem boys talk does erase all dem publicity.
That is why dem must treat de Guyanese people very good. When dem do that good things gun go pun de internet.
Talk half and know that you deeds deh pun de internet
Jagdeo giving Exxon 102 cent to collect 2 cent.
Apr 25, 2024
By Rawle Toney Kaieteur Sports – The French Diplomatic Office in Guyana, in collaboration with the Guyana Olympic Association and UNICEF, hosted an exhibition on Tuesday evening at the...Kaieteur News – Dr. Bharrat Jagdeo, the General Secretary of the People’s Progressive Party, persists in offering... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]