Fuh de first time Exxon seh something that mek dem boys smile. Dem even mek hair start grow out pun de Opposition Leader head.
Dem seh Guyana owe dem fuh pre-contract cost of US$460 million. Dem seh that is de money dem spend fuh drill couple crab hole while dem was searching fuh oil.
Dem boys start to question dem and dem wouldn’t answer. Dem boys only talk but Chris Ram and Nigel Hinds dem check de figure because dem is accounts. Is dem who tell Guyana how dem believe de oil company kak de books and that Guyana must check de bill.
Jagdeo, that scamp, sit down quietly and didn’t say a word. EE wait till Ram talk then he open ee mouth and support de man.
Exxon seh it ready fuh show de books to anybody.
Dem boys hole dem not like de GGMC supervisor who show he willie to a woman, by way of text.
When he get ketch and de story buss out he behave like Exxon and seh is a mistake; is de wrong woman he send de photo to.
Is not one photo he send; he send four. He was bathing suh he send two wid soap and two without soap.
De lady he send it to show everybody. People who see de two wid soap think was icing cake. Is de two without soap that skin him up.
Dem boys seh at first de man try fuh disown ee own willie in de photo but when he see he face in one of de photos ee change ee music.
He stutter before he admit was he. When dem boys ask him who he intend to send de photos to he seh was a woman who got de same as de person who get it.
Talk half and hope GGMC get serious and check de Exxon Bill of US$460 million.
Oct 23, 2018Two helmet-tricks, three hat-tricks and an equal amount of doubles were recorded on an eventful opening day of the Third edition of the East Bank Football Association / Ralph Green Under-11 League...
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]