Latest update April 23rd, 2024 12:59 AM
Jun 04, 2018 Dem Boys Seh, Features / Columnists, News
ExxonMobil announce dat it find jobs fuh 309 companies. These are local companies dat doing various jobs in de oil industry.
When dem boys hear de news, dem couldn’t believe it. Dem didn’t believe dat Guyana had 309 companies dat coulda find jobs wid de oil company. De matter meet Parliament and Trotty had nuff questions to answer.
But from de time de announcement come dat 309 companies find jobs, people start to ask questions. Dem ask de oil company to name these companies. When people playing poker and dem got a good hand, dem does pretend dat dem ain’t got nutten. Dat is wha de oil company do. It encourage people to threaten dem.
When de pressure continue, de oil company seh it gon give de names to de government. Dem boys didn’t know dat dem actually hand over de names till Trotty go to Parliament. Is when Trotty seh dat he gon release de names dat trouble start. Some people start to get worried.
Lumumba who was chairing de session jump up and tell Trotty not to release de name. Dem boys want to know why. Some people seh Lumumba probably got 23 companies dat get wuk. Dis thing beginning to look like a boys club and de boys deh in all dem political party.
De oil company tek pride in announcing dat it does report to de government every quarter. In a sly way it point finger at another company dat always got something to hide. Dem boys want to know if dis company gon announce dat it does report to de government every quarter.
Of course de company gon tell de media dat dem does do it. Dis is de same company dat seh dat it buy a plane. De record show dat de company ain’t buy no plane. Dat is why dem boys want de company to seh whether it does report to de government every quarter.
Talk half and press Trotty to release de names of de 309 company. Dem boys want to know who got nuff company in de set up.
LISTEN HOW JAGDEO WILL MAKE ALL GUYANESE RICH!!!
Apr 23, 2024
Kaieteur Sports – Over the weekend, the prestigious Lusignan Golf Club played host to the highly anticipated AMCHAM Golf Tournament, drawing golf enthusiasts and professionals alike from across...Kaieteur News – Just recently, the PPC determined that it does not have the authority to vitiate a contract which was... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]