Guyana getting a lot of screwing and it started when Jagdeo tun President. He allow de Chinese, de Canadians, de Russians, de Malaysians and de Indians to screw, he and de whole country.
Everybody know wha BaiShan, Barama, Vitarna, Rusal and Omai do and still continuing to do to Guyana.
Grace Kennedy and Massy realize dat Guyana easy to screw suh dem tun round and join de screw bandwagon.
Dem money transfer rate to and from Guyana is de highest in de world. Dem boys want to believe dis is beyond screwing.
Dem oil company hear how much advantage dem can tek pun Guyana who can’t seh no when it come to screwing so dem and all enjoying de freeness.
Dem come from all over de world, wid all shape, colour and size and dem seh dem ain’t sparing nutten. Dem tekking de young and de old; age is not a problem.
Dem done screw we leaders and it sweeten dem, dat dem gun stay around to screw generations to come.
Dem boys hope Soulja Bai, Jagdeo and GHK tek note. Dem in de same boat, after-all. And don’t think you can run to de police fuh help because dem screwing de nation too. De only difference is dem doing it one by one.
If is not by a traffic light is by a roadblock. If is not by de roadblock is in de exam room, wheh dem does do de driving test room.
You go in de room fuh write de test and after de screwing you get, you coming out wid a certificate and a licence without writing a line.
No wonder dem boys seh, you does see so much vehicles does end up pun dem light pole and traffic lights, culvert, bridges and anything wha deh close to de roadside.
Sometimes, people house and all does attract dem same drivers.
Imagine 106 people report fuh write de exam, none fail and when dem count de exam papers, 207 pass. Dis got to be de laugh of de century.
Talk half and don’t laugh alone. Share de passing paper wid Soulja Bai.
Jul 05, 2022Milo Secondary Schools Football Tournament… Over cast conditions with warm sunshine piercing through those clouds allowed the Petra Organisation’s Milo Secondary Schools Football to contest two...
Kaieteur News – I’m not sure I am good at satire though I have tried a few pieces on this page over the years and... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]