Latest update April 20th, 2024 12:59 AM
Apr 10, 2018 Dem Boys Seh, Features / Columnists
When dem boys talk how bad de contract that Guyana sign wid Exxon was, nuff people refuse to listen. Nuff of dem cuss dem boys and seh how dem want tek bread out of people mouth.
Dem boys talk bout how Guyana get rob; dem talk bout how Exxon had all de skills to negotiate while Guyana had nobody who could match de oil giant.
Then dem boys talk how it strange that while dem criticizing de contract, de Govt was saying nutten and de opposition was saying nutten. De silence mek dem boys believe that both sides tek something that force dem to shut every opening dem got in dem body—dem eye, dem ears, dem two nose hole dem mouth and of course, yuh know…
Every day dem boys talk. Dem see de contract as a lang rope wid a li’l piece of cheese at de end and Guyana was de rat to follow de cheese. When it get de li’l piece of cheese it think it get de world not knowing that at de odda end of de rope was de cheese factory.
Now dem boys feel vindicated. A world renown media entity that scrutinize and analyse every major business in de world also criticize de contract.
It seh Exxon Mobil Corp. get such a sweetheart deal from Guyana, that de IMF seh Guyana should rewrite dem tax laws.
Exxon paying less tax to Guyana than any company wid half that size paying to Norway, Brazil, Peru and Trinidad and Tobago. Dem got some Guyanese business places who paying more tax than Exxon and dem own just a few acres.
Dem boys now know through de same report that Exxon was given 11.5 million acres, equivalent to about 2,000 times what de U.S. got in de Gulf of Mexico.
Exxon gun pay Guyana 52 percent of positive cash flow over the life of Exxon’s initial project, compared with between 63 percent and 72 percent wha it paying for developments in Liberia, Mauritania, Ghana, Senegal and Papua New Guinea.
Talk half and do de Maths to wuk out de deal wha Soulja Bai and ee team sign.
Where is the BETTER MANAGEMENT/RENEGOTIATION OF THE OIL CONTRACTS you promised Jagdeo?
Apr 20, 2024
– Elton Dharry and Dexter Marques to headline tonight’s card Kaieteur Sports – The Everest Cricket Club pavilion crackled with tension yesterday as the Guyana Boxing Board hosted its...Kaieteur News – Once a habit has been drilled into you, it returns almost automatically when you return to the setting... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]