Everything that Guyana produce is fresh and natural. De vegetables don’t have too much fertilizer, de fish come straight from de river and de ocean. De whole world talking about going and eating natural. De Guyanese people pride dem self pun having fresh food.
But all of a sudden de Americans ban de catfish wha Guyana got. Dem claim how dem checking de quality. Only dem got to check de quality, though. All dem Guyanese who live in Canada and England and dem odda place does only buy Guyana catfish because dem know it ain’t grow in no farm wheh de people does feed dem wid all kind of thing but mostly people mess.
Then dem Americans now talking bout de gold wha Guyana producing. Dem claim how dem want to mek sure is not gold that pay to fight war and feed terrorists.
Guyana ain’t fighting any war and it ain’t got contact wid no terrorist.
Dem boys think about all de things dem want to ban from Guyana and suddenly dem realize that de big plan is to control Guyana. ExxonMobil find oil and de Americans realize is de biggest oil find. Dem want to mek Guyana a colony.
De first thing dem want is fuh Guyana beg dem. Then dem gun want Guyana to seh thanks when dem lift de ban.
But is not only Guyana, is nuff odda developing country. Venezuela already feeling de pressure. Dem did try it wid Cuba but dem Cubans hold out fuh more than fifty years.
When dem boys read how Americans complaining how some countries got wealth and dem dealing wid countries like China dem decide that is time dem collect all dem countries and mek dem colonies once more. Then dem gun live off de wealth of those countries.
Well dem boys want dem to know that Massa day done.
Talk half and remember no matter how bad things might be nutten better than freedom.
May 29, 2020The COVID 19 has affected the operations of many industries and organisations financially all over the world and the Lusignan Golf Club (LGC) is no different. The club has been closed since the...
May 29, 2020
May 28, 2020
May 28, 2020
May 28, 2020
May 27, 2020
By Sir Ronald Sanders Caribbean countries are, once again, being placed in a difficult position as they try to navigate... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]