Crime is something nobody likes. Dem boys seh it don’t have a person who was a victim of bandits who didn’t want to see all criminals dead.
De people who responsible fuh de security of de nation, dem also does want to mek de people happy.
Ram Jattan get vex because de bandits was always robbing people leaving de bank. De whole govt was looking bad; everybody start fuh cuss Ram Jattan, even de people in he own govt was telling him dat if he don’t do something he gun get knock off.
Because of dat threat, he seh how he gun set up a sting operation to ketch all dem criminals. People start fuh laugh. Some even seh ee telegraphing ee shots.
But he had ee own idea. How to deal wid dem. Yesterday, he put he idea into practice and set de trap.
He put plainclothes police at every bank and dem ketch three who follow a man from Robb Street and de man lead dem to de seawall road and notify de cops.
Now de police got three bandits smelling de mortuary floor and in couple days dem will be smelling daisy by de roots.
Is not dem alone smelling. Yesterday, Van West and ee people smell a bun minibus.
Dem boys hear dem been in Buxton and disconnect a man water supply. De man was sleeping when he neighbor shout to him and tell him some people cut off he water.
De next thing, de villagers see is a few men running up de road and lef dem minibus. De speed dem was running wid, people doubt de mini dem coulda travel so fast.
Even de minibus driver run in de odda direction and lef ee bus at de mercy of de angry Buxtonian.
Dem boys hear minutes later as de angry man was going back to his house, he was grumbling how dem know fuh gie we oil but dem can’t gie he li’l water.
Dem collecting next to nutten fuh de oil but dem want big money fuh de li’l water.
Was fire in de bus and no water to out it. De water did done cut off.
Talk half and bet nobody ain’t cutting off water in Buxton again.
Apr 20, 2018Calvin Chapman It is the business end of the round-robin phase of the National Club Basketball Championship which is dubbed “Road to Mecca V’ and the teams are going hard at each other for places...
Apr 20, 2018
Apr 20, 2018
Apr 20, 2018
I am not going to use this space to engage someone named GHK Lall, because I don’t think that individual has ever had... more
The US$18M signing bonus which the government received from Exxon Mobil has become part of a magician’s bag of tricks.... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]