Latest update December 28th, 2025 12:40 AM
Latest News
- ‘$24M for doing nothing’ …NRF Investment Committee paid while oil money sat idle
- Stabroek Block projects designed to withstand oil market volatility – Routledge
- Five babies born at GPHC on Christmas Day
- Israeli forces take over homes, impose lockdown on West Bank’s Qabatiya
- Armed, masked gunmen cart off with raw gold from Cuyuni mining camp
Oil contract got people bolting stable and checking brain
Janet Jagan dead and gone but before she lef Guyana, she sign a oil contract wid Exxon for dem to check fuh oil in Guyana waters,
Dem boys see it wasn’t de best contract at de time. Some describe it as bad. Up come Bharrat Jagdeo, dat scamp, and after he was Donald Ramotar.
Jagdeo hold Ramotar hand in 2012 and drag him to the negotiating table wid Exxon. In dat room, Jagdeo mek he do a skundle of bunt wid the contract. Dem mek out a template updating the Janet Jagan agreement wid Exxon.
When dem boys read de template wha Ramotar sign, dem hire a brain surgeon fuh look inside ee head.
When de surgeon check Donald left side brain, he see nutting right.
When he check de right side ee see nutting left.
Dat’s how Guyana end up wid little or no oil block left.
Just when no one expect de contract wha Janet sign could get worse, up come Trotman and he boys.
Dem seh dat template is joke, we can tek it and mek better.
Instead, Guyana we get the worst oil contract the world has ever seen, When dem realize de people understand de contract and start to expose it, Joe Harmon seh he going to look fuh oil experts to deal wid de two per cent oil blocks wha lef.
Dat is a case of trying to bolt de stable after the horses gone.
Trotman now mekking excuse. He tell Guyana, he renegotiate from PPP 1% to Coalition 2%
What he didn’t know is dat 2% can only buy 3 loaf ah bread a month for every Guyanese
Den yuh have Greenidge, de Foreign Affairs man, who tell de nation dat de critics of de oil contract are all jokers. On to now, he can’t tell de nation he was de minister dat get an email from Exxon big wigs. De email states “Man this kind ah exposure wha de Waterfalls paper doing does happen after we rip off, rape and left de country.
Dem boys want to ask “Who gun sign a contract giving away de bread and give de Guyanese people de bread crumbs.
Talk half and hope Soulja Bai tek an international company to check pun ee Ministahs.
Discover more from Kaieteur News
Subscribe to get the latest posts sent to your email.
Similar Articles
THE BLUNT OF THE DAY
Sports
Features/Columnists
Sir. Ronald Sanders
The GHK Lall Column
Weekend Cartoon
