Old people seh wha you can see in de bright daylight don’t tek torchlight fuh go find it in de night. De whole world know Guyana got gold, diamond, timber, bauxite and now oil.
Foreign people and foreign companies come; dem wuk up de gold, dem dig out de bauxite, dem carry way de timber and now dem gun fetch way de oil.
Omai, Guyana Goldfield and Tessoro Resources been here wid de gold; BaiShanLin, Vitarna and Barama been here wid de timber; Alcan, Rusal and Bosai hustle wid de bauxite.
Dem boys seh all dem companies been here fuh donkey years, wha Guyana get? Ladoo?
Exxon, Hess, Tullow, CGX and some oddas come fuh fetch way de oil. And all de Guyanese people gun get is three loaf bread every month. Dem boys do de Maths pun de two per cent royalty and dem get US$4.80 per month.
Dem boys want Exxon to know that beggars does refuse a towel, which is US$5.00 these days.
People asking how wid all dem lawyers in de govt—Moses, Ram Jattan, Basil Williams, Joe Harmon, and Raphael Trotman—how de country can’t get a good deal wid dem foreigners.
Dem boys want to know wha dem lawyers was thinking about when dem was signing de oil contract. Were they thinking wid dem head or dem pocket?
Nobody who think wid dem head would sign such a contract, not even a drunk. Not even a saggie-wang woulda touch de pen fuh sign de contract.
Soulja Bai better wake up from that slumber he in.
Talk half and give Carl Greenidge he three loaf of bread a month. He was de Minister who get de e-mail from Exxon executive that sehe, “Man this kind of exposure wha de Waterfalls paper doing does happen after de company lef, not before.
Nov 14, 2018Sixty-three-year- old former Malteenoes division one middle order batsman Victor Dias donated among other cricket gear, six bats, a quantity of red and white balls, coloured and white batting and...
I walk my dog twice daily. In the evenings I would take her next door to the AFC head office. The occupants of the house... more
The victorious T&T team poses for a photo after receiving their CMRC overall championship trophy, Monday night at Princess... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]