People always boasting how Guyana got potential. De whole country keep hearing how Guyana is a rich country because it got gold, bauxite, diamond and now it got oil. De thing dat use to mek dem boys think is dat wid all de gold and bauxite and rice and sugar, people still use to send dem children to school wid empty lunch kit.
De truth is dat de country got nuff hungry people. Some of dem hungry because dem got too much pickney and hardly anybody to help feed dem; some because de money dem earning barely enough to pay rent and some bills.
De odda day when dem announce dat de oil company find oil, dem same poor people couldn’t even smile because dem was so hungry dat dem mouth hurt dem. But some people telling de world dat although Guyana find oil de people mightn’t see a drop because de oil company gun rob dem blind.
De truth is dat de oil company develop a reputation fuh robbing poor countries. All about deh go, deh cause problems. Then deh come to Guyana and telling dem boys how dem change; dat dem is good people.
It might be true but dem boys seh when dog accustom to suck egg, it can’t stop. Dem pointing people to dem prisoners who go to jail fuh thiefing. Before de sentencing, dem does tell de magistrate how dem wouldn’t do it again and how dem sorry.
Dem end up in jail and when dem come out is de same thing dem gun do and is right back to jail dem going. De oil company is like dem thieves. Dis one smiling because it know dat in couple years, oil wouldn’t have so much meaning because people wukking wid alternative energy.
Dem wukking wid solar and hydro and things like dat. De Man above send oil when things about to change but it should be to de good of de country, but only if it get its fair share.
Talk half and hope de oil company be honest wid Guyana.
Jun 21, 2018Guyanese Shemaine Campbelle continued to advance her case for Windies recall with a match winning century in a 65-run win against the Leeward Islands as the Windies Women’s 50-over tournament...
The plural noun, “gonads” have been used historically, traditionally, journalistically and in common parlance to mean... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]