Dem boys know pardner business never work out all because one does hustle to rob or outsmart de other.
Everybody know when it comes to CASH you and yuh own mudda does get wrong, much less strangers.
Show dem boys a prosperous pardner business and dem boys will show you the way to Heaven.
It is no different with political parties. It does always start out wid flair and glamour until dem find out de pie not sharing even. Dat is de beginning of de divorce.
Dem boys hear divorce proceedings start already but no side ain’t get lawyer yet. Dem going to court, not in dem party name.
Hap New going as de Baccoo and Hay Heff See going as de Paccoo.
People seh as soon as dem go in dat de Baccoo start thiefing and lef out de Paccoo.
Dem boys will nevah fuhget de D’Urban Park scandal involving hundreds of millions. De Paccoo get lef out and dat start de brucking up.
Then come de threatening letter wha BK write to de Baccoo dat he gun go to court if he don’t get pay US$8 million.
De Baccoo hand over de money before dayclean and everybody know de Paccoo ain’t get nutten. Dis letter, dem boys hear, cause de separation.
Dem boys hear dat another letter cause de divorce. Dis letter get leak and it show dat de Baccoo get US$18 million and didn’t tell de Paccoo nutten. In fact, de Baccoo try to hide it from de Paccoo.
De Paccoo tell dem boys dem believe is more than US$100 million and not US$18 million because of how dem behave.
De Finance Baccoo seh dem reporter nevah ask de right question. He seh de reporter ask bout US$20 million and he seh he ain’t know bout no US$20 million.
Then he get rude and disrespectful. He seh he don’t have to answer to nobody how much he collect. How he expect de Paccoo to feel? Dat answer mek de Paccoo file fuh divorce.
Then wha add de last straw was when Soulja Bai seh he ain’t tell everybody. De Paccoo know is dem he didn’t tell.
Up come de Shart Baccoo and he seh how he tell Soulja Bai hide it.
Talk half and search fuh de rest of de US$100 million.
Oct 16, 2018By Sean Devers in Trinidad In association with Regal, Vnet, Noble House Seafoods & Cascadia Hotel In murky conditions and played before virtually empty stands, Guyana Jaguars, led by a 79-run...
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]