Every politician know that Guyana need a proper prison ever since de 2002 jailbreak. Five men get away and created mayhem—from Bartica massacre to Bartica slaughter.
Instead under Jagdeo and he Pee Pee Pee dem chose to give one laptop per family. Under Soulja Bai and he coalition dem giving one prisoner per family.
To build a proper jail gun cost no more than US$30 million. But follow this; Jagdeo seh he spend US$150 million pun an airport that has no plane instead of US$30 pun a jail.
He spend US$200 million pun Skeldon that grind no sugar instead of US$30 million pun a jail. He spend US$50 million pun de hydro road that leads to nowhere instead of US$30 million pun a jail. He spend US$60 million pun de Marriott that operating at a loss instead of US$30 million pun a jail.
He spend US$45 million pun de cable from Brazil wha still to reach Guyana instead of US$30 million pun a jail.
He spend US$30 million pun dem laptop wha dem family couldn’t mek use of instead of US$30 million pun a jail. Dem boys can go on more and more.
Soulja Bai go in and dem start paying out money by de billions to people who write threatening letter, like Bee Kay instead of building a US$30 million jail.
Dem pay out couple billion in court matters instead of building a US$30 million prison. Dem building overhead walkway, roads and sea dam fuh billions instead of building US$30 million jail.
Dem boys seh people should put dem heads together and examine wha de politicians doing. Dem boys want to believe that dem frighten dem build de jail fuh demself. Jagdeo and ee Pee Pee Pee was de first set to do nutten.
This set of poops following in Jagdeo footsteps. Dem frighten dem build de jail fuh demself because of ExxonMobil, de oil king of de world.
Talk half and see who really care fuh you safety and security.
Oct 16, 2018By Sean Devers in Trinidad In association with Regal, Vnet, Noble House Seafoods & Cascadia Hotel In murky conditions and played before virtually empty stands, Guyana Jaguars, led by a 79-run...
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]