Since dem prisoner bun down de jail Sunday afternoon, nuff people close dem doors and go to bed early. Last night was de same thing. During de daytime and all de place was skimpy. Nuff people didn’t come to wuk, some send home dem workers early and close dem business.
Dem boys find this very strange that people can be so frighten after dem live through de crime wave of 2002-2008. If people live through that you could never have fear because that was de wuss it can get.
To begin wid, Buxton ain’t tekking in nobody and Agricola don’t want dem name call in any prison escape. Dem had dem fair share of Skinny and Fine Man dem. Jagdeo seh he not tekking in anybody although he mansion can hold half of de prison population.
And de Sanata Complex that he give Babby fuh next to nutten can hold all dem prisoners in Guyana. But that ain’t happen yet.
De only place prepare to tek dem is Mazaruni and Timehri. Lusignan can’t tek none. De last set wha try to move in end up in a cow pasture sleeping under tarpaulin. Some couldn’t even sleep because dem wasn’t accustom to de fresh air and de space. One prisoner claim how he uncomfortable. He miss de lock down and de sound of dem prison bar.
Rum Jattan done seh anybody who harbor dem escapee can expect to end up in de same jail or suffer de same fate. Dem mightn’t be lucky to escape de fire.
SouljaBai done give de assurance that he gun protect de society. He seh he gun deal wid anybody who harbor, help or support in any way, people who escape from prison. He seh he don’t want to her anybody give dem even a cup o’tea or a glass of water.
Talk half and don’t frighten nutten.
Sep 23, 2017The annual GTT National Indoor Hockey Championships returns to the Cliff Anderson Sports Hall for the first time in seven years as the Guyana Hockey Board (GHB) stages its first tournament on the...
Supporters of Forbes Burnham believed in him. They saw him as a political saviour. Most believed his every word and would... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]