Donald got a problem wid de media because dem always questioning and exposing almost all ee decisions. When dem boys talk bout Donald, dem don’t mean de Dummy here in Guyana. Dem talking bout de American Donald.
De media relentless behind him and his administration and dem have reasons to be.
He knock off people who oppose him or who ain’t do wha he want dem to do. De way in which he went about these things is wha upset de media and a big chunk of Americans.
He move away from de traditional things expected of a president and a world leader. Everything come over as bullying or secret.
Dem boys want de local media to be as relentless behind Soulja Bai and he administration. Soulja Bai and all doing things outside de norm.
He sign up deals with ExxonMobil without knowing who these people are. He don’t have no excuse because wha ExxonMobil do around de world in de air people breathe. It even print all over de sky.
When dem boys expose a little of who ExxonMobil really is, dem putting ads in de newspapers in fine print. Dem boys want Soulja Bai to read de ads heself.
He gun see that de explanation ain’t answer no question so far that de newspaper raise.
De ad telling wha ExxonMobil doing, but it ain’t talking about wha de same ExxonMobil gun do to Guyana.
Dem boys and plenty other people see how dem rape other countries.
Dem see de condition under which dem lef de people. Dem meet de people riding bicycle to go bout dem business. When dem lef de people country, everybody was walking to wuk.
Dem boys seh in de case of Guyana, ExxonMobil meet our workers ketching minibus to go to work. Dem boys believe when ExxonMobil lef de Guyanese workers will be ketching donkey cart to wuk.
Soulja Bai and ee team better tek note. He must put Guyana interest first. Everybody telling his advisers what Guyana got to do to safeguard its wealth. Dem boys ain’t sure if de advisers briefing him correctly and honestly.
Dem boys want to talk to him, because wha dem hearing is kakishness going on and footsie playing under de table. Dem boys want to believe Soulja Bai getting kak. Dem boys also want to believe that money passing somewhere.
Talk half and hope dem don’t get ketch wid de bribe in dem bank account.
Nov 18, 2018By Sean Devers The Guyana Defence Force (GDF) has won the last 17 National Boxing Tournaments since the inaugural one was held in 1966 at the Police Training School, but on Friday Night the Soldiers...
When the government announced copyright legislation will come next year, the first critic was former president, Bharrat... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]