De world always got problem wid shaat people. Wha dem lack in height dem does mek up wid problems fuh other people.
Dem got de biggest voice that if you don’t see dem you would think is Goliath talking. Ashni was one shaat man wid a big voice but he always hiding behind Jagdeo. Most times when he stand up people don’t see him. Brassington use to block him.
He alone defraud this country more than wha dem seh Burnham thief. De police looking fuh him and he panda in crime, de fat crook.
Dis new administration got another shaat man wha dem boys think at first was a decent man. He recent actions, he words and he deeds tunning out to be de complete opposite.
Dem boys exposing some of de skullduggery ExxonMobil did in some countries that lef de people wuss off than before de oil company go deh.
De oil company never honour de contracts wha dem sign wid de governments and de promises dem made to de people. Dem rob de country and de people blind. Dem even rob people in de country wheh dem come from.
Dem boys seh fuh talking these things riling up some government people. De shaat man who suppose to protect this country from dem same skullduggery very upset wid wha de paper exposing. He tell a reporter that whatever ExxonMobil do abroad is none of we business. He seh we shouldn’t talk now, we should wait till we get de oil.
Dem boys want all Guyana to know that is only people who don’t care bout de country or who deh in ExxonMobil pocket will talk like that.
De way how he talk show he is a man who would sell he daughter to blows. Dem boys want to ask him if a scamp can come in ee house and hustle de daughter and he gun sit down and tell he wife that wha that man do wid other people girl children is none of we business because de man driving fancy car and got a lot of money.
Dem boys now find out that Soulja Bai got a male prostitute in ee Cabinet and this shaat baccoo might not be de only one.
Talk half and keep you eyes pun ExxonMobil.
Nov 15, 2018On Sunday last, Head of the IKD 9th Dan Shuseki Shihan Frank Woon-a-Tai, 8th Dan Shihan Maureen Woon-a-Tai (IKD Vice-Chief Instructor) and 8th Dan Shihan Bernice Hughes, assisted by Amir Khouri 7th...
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]