Latest update April 19th, 2024 12:59 AM
Apr 27, 2017 Dem Boys Seh, Features / Columnists, News
A Ministah call Bee Kay vulture. Basil de Willie and Sue Jordan did agree to pay Bee Kay US$5 million as settlement. Dem boys believe big kak pass right deh.
De govt pay a part and owe a part. That was de arrangement. Out of de blue dem boys hear Bee Kay write a letter to de Bull ministah asking fuh an additional $14 million on de balance.
He tell de Minister how US dollar gone up. When dem boys hear dem couldn’t believe. In de first place this man should a never get a cent settlement. He should a go to court.
Dem boys did believe that Soulja Bai mek a mistake when he pay Bee Kay but when dem find out, he and all get con. That is how he tell de Bull ministah to tell Bee Kay he is a vulture.
When de news meet de real Vulture from Bartica de man tell dem boys de Bull minister mustn’t tek he eyes and pass him. Vulture is Vulture and Bee Kay is Bee Kay. Don’t mix de two.
If you did call Bee Kay a vulture I wouldn’t seh nutten. But you give de man me name.
Vulture seh he does deal wid gold and he does do hanest business. Bee Kay does deal wid ee crush stone and garbage.
Vulture seh de last time he see Bee Kay, de man was quarreling wid Donald Dumb over de Sun and Sand hotel pun de East Coast. Jagdeo did bring dem men.
To this day de Jagdeo that scamp, Donald Dumb, Bee Kay de Vulture and even de Sun and Sand people can’t find de sod wha dem tun on de East Coast fuh mek de fancy five star hotel.
Bee Kay action remind dem boys of de time when ee pick up a woman cell phone. After about two days she decide to call de number to see if anybody hanest enough to answer. She call and Bee Kay answer.
“Hello? Look that is my phone you have deh you know?”
Bee Kay seh, “You know how long I been waiting to hear this phone ring?”
De lady seh, “You mean you want find out how to return it?”
Bee Kay answer, “Naaah. I want de charger.”
Talk half and wonder wha does happen in private wid contracts.
Please share this to every Guyanese including your house cats.
Apr 19, 2024
SportsMax – West Indies Women’s captain Hayley Matthews delivered a stellar all-round performance to lead her team to a commanding 113-run victory over Pakistan Women in the first One Day...Kaieteur News – For years, the disciples of Bharrat Jagdeo have woven a narrative of economic success during his tenure... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]