Latest update April 18th, 2024 12:59 AM
Feb 21, 2017 Dem Boys Seh, Features / Columnists, News
People does do some stupidness when dem really don’t have nutten to do. De other day somebody start a rumour bout Donald. This is a man who was so popular that dem even mek a calypso about him. This time somebody seh he dead.
De thing that mek dem boys get vex was when Donald own cousin confirm de death. People start to talk how Donald didn’t deserve to die. Some seh that he deeds ketch up wid him. But all this time de man was alive and well. People start to call de man house. In de end de man shut down he cell phone and he landline. He refuse to talk to anybody.
And while that happen Luncheon crawl out in de open. He disappear fun a long time. Dem boys seh that he was resting and when he hear bout Donald he come out because he wanted to show people that he alive.
Monday de man actually warn Soulja Bai about shutting down de sugar industry. Luncheon promise protest more than anything because that gun be a direct attack pun he party. Sugar is de party and de party is sugar.
When Jagdeo shut down LBI and Diamond nobody didn’t seh nutten because de sugar people tell demself that he know what he was doing. But when Soulja Bai shut down Wales is a different story because he don’t belong to de Pee Pee Pee and therefore don’t know nutten bout sugar.
Anyhow, dem boys seh Luncheon mek sure that people see him suh dem couldn’t do wha dem do Donald. De only person who didn’t mek a fuss was Jagdeo. He tell dem boys that there is never a dull day wid dem Donald. While Donald Trump causing some of dem world leaders to get belly wuk, Donald Ramotar causing de people of Guyana to get confusing.
And dem two Donald always talking about fake news.
Talk half and know that two Donald more than enough.
JAGDEO ADDING MORE DANGER TO GUYANA AND THE REGION
Apr 18, 2024
SportsMax – West Indies captain Hayley Matthews has been named Wisden’s leading Twenty20 Cricketer for 2023, as she topped all and sundry, including her male counterparts. Alan Gardner looks...Kaieteur News – Compliments of the Ministry of Education, our secondary school children are being treated to a stage... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]