Dem boys seh…Soulja Bai mash up de parking meter deal

Jun 20, 2016 Dem Boys Seh, Features / Columnists, News

Before de week out nuff people dun either disappear or dem gun holler. Some of dem crying already because when you tek people money and you don’t deliver is nuff trouble. Mr Park King was behaving like if he own de city.
And dem boys seh that dem get to understand why Patricia Chase Green. He woulda call a council meeting and discuss de parking meter before he cut any deal. But Park King didn’t do that. He cut de deal and get Patricia to join wid him before she keep de council meeting.
De Sherod boy talk till he get blue. He complain how de council didn’t know nutten. Then he see a posse go to Mexico. Somebody had to pay fuh that trip.
Well Soulja Bai get de furniture minister to cut up de runnings because there was no consultation. Somebody got to get back dem money. Dem boys expect people fuh talk and dem waiting to report.
Of course, dem boys already set up a space in de paper to tek complain and dem willing to bet that de people who was setting up de meter gun be de first to complain. Dem gun talk about who and who dem give money and who pay fuh de trip to Mexico.
Dem boys expect Ann de Yellow to complain too. She did park a lady but de story is something else. She seh that she teaching de lady de wuk because this same lady was not doing any wuk. A judge complain how de lady was not going to court to represent dem abused children. Another lady seh that she never use to see de lady in she office. She use to deh driving around looking fuh something.  And that is only part of de story.
But she ain’t de only person wid a story. In fact, nuff people got story. Jagdeo got a story bout he chandelier wha he promise to sell to de Waterfalls boss man fuh US$20,000. But he was only bluffing.
Dem boys gun talk more about that.
Talk half and wait fuh hear de parking meter scandal.