Latest update March 28th, 2024 12:59 AM
Jun 03, 2016 Dem Boys Seh, Features / Columnists, News
Venezuelans is good people. De whole of Guyana should live good wid dem. Is outside players want mek trouble between dem two neighbours.
De other day dem had a shooting in de Cuyuni River near de Venezuelan border. Everybody know that de Venezuelans got check points in de river just like how Guyana got check points.
Both sides know people got to hail up de checkpoint because nuff bandits does pass through de river.
Soulja Bai know this and all dem in de diplomatic circle know. It been like that fuh donkey years.
Dem boys hear that dem GGMC officer forget to stop and de Venezuelans fire couple shots to remind dem.
Anyhow Guyana complain and Greenidge plan to protest. He got to mek sure that is he alone protesting, because if people join de protest and surround him, not a Venezuelan would see him.
Dem boys seh if he had size like Brassington he wouldn’t have to write to de UN. Ban Ki-moon woulda see him from wherever he live.
Brassington pack up he bags and run to Florida but wid de size he got he can’t hide nowhere in de world.
Dem boys did hear Joe ShanLin did find him for a lengthy discussion. Jagdeo, that scamp, find him too. Is de same Jagdeo tell him don’t come back because criminal charges waiting fuh him and he gun go to jail.
Brassington did ask Jagdeo what about he, Jagdeo, but de scamp tell him he got friends in high places. He thank BK fuh that. BK is de go-between man fuh de old and de new administration.
Dem boys hear de same BK is de man of business fuh certain big ones today. All de big deals have to go through him, now. If people want to settle any issue pending wid de old or de new administration, talk to him. It can be resolved if de conditions right.
Talk half and hope Soulja Bai tek note of what happening under he nose.
THIS IDIOT TELLING GUYANA WE HAVE NO SAY IN THE 50% PROFIT SHARING AGREEMENT WE HAVE WITH EXXON.
Mar 28, 2024
Minister Ramson challenge athletes to better last year’s performance By Rawle Toney Kaieteur Sports – Guyana’s 23-member contingent for the CARIFTA Games in Grenada is set to depart the...B.V. Police Station Kaieteur News – The Beterverwagting Police Station, East Coast Demerara (ECD) will be reconstructed... more
By Sir Ronald Sanders Kaieteur News – In the face of escalating global environmental challenges, water scarcity and... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]