Just because you don’t take an interest in politics don’t mean politics wouldn’t take an interest in you. See-all tell dem boys suh. He tell dem that de only interest he had in politics was Rohee.
He tell de whole of Guyana that crime solving fast because people got confidence and trust in Soulja Bai administration. In short, he saying that de administration before was a bunch of crooks.
But dem boys seh that he forget to tell de nation that he was part of de same administration.
He going pun leave, but dem boys seh that if he had he own way he woulda stay pun de wuk. He tell he friends he hoping if he say nice things bout Soulja Bai and bad talk Rohee, de administration gun extend him for another five years, same way how de other one extend Lewis, Greene and others.
He ask Soulja Bai and Rum Jattan to pay him fuh de leave he never tek in he lifetime. Soulja Bai tell him don’t let two cent full yuh eye. Go pun leave; lef de people money; and give yuh deputy a chance to get a feel of de chair.
Dem boys hear he vex that he got to go pun leave so long. De hard part fuh him is to hand over de baton to de second in command. Is a trend Henry de Yellow develop and he pick up.
It got to be that dem got something hiding in de office or lock up in dem draw. Dem boys ain’t know is wha, but when See-all gone pun leave dem gun find out.
Dem boys hear he plan to lef Guyana, but wid this here, he might remain in Guyana to peep dem boys cards, just like how dem boys dem boys peeping this upcoming GPL contract.
Dem boys hear this contract done sign months ago wid a Chinese company and big money pass. Dem boys hear dem got local businessmen and contractors who are de powerbrokers behind de new de new kids on de block.
One of de Chinese company already crying foul. It cuss up de Waterfalls paper and actually seh it get de contract although de evaluation ain’t done yet.
BaiShan cousin, Joe, quiet. Nobody hearing nutten bout him. Dem boys want to know if he deh pun sick leave or Soulja Bai send him somewhere far.
Talk half and watch more people get send pun long leave.
Jan 19, 2020Mavindra Dindyal struck a fine half century to put Georgetown Cricket Club (GCC) in a comfortable position at the close of play on the opening day of the Georgetown Cricket Association/ Noble House...
There are times you can forgive rulers for their obdurate refusal in not wanting to learn from history because of the nature... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]