When dem boys did start to point dem fingers at de NIS building, nuff people seh how dem was picking on de government just to mek Jagdeo and he boys look bad.
At de time dem boys seh that dem didn’t know Luncheon to be a crook but now dem know.
From de time de Waterfalls boss man see de building he start to question de cost. And that only happen because de government paper carry de building pun de front page and talk how Jagdeo serious.
Dem boys seh he was serious about how much extra money he could squeeze from NIS. Normally some people does hustle a ten per cent. From this deal de hustle was nearly fifty per cent.
De crookishness start from de time dem invite de tender board. Somebody had to tell Luncheon that de tender board got people who don’t tek chance. Right away advice come to skip de tender board.
Dem build de NIS office and is then de trouble start. Dem boys go till to Corriverton and de people lock de gate so dem can’t go in. People call town and get instruction not to mek de people from de Waterfalls paper enter de compound. Is nah shame dem was shame, dem was trying to hide $32 million but dem boys didn’t know at de time.
Old people always seh that wha do in darkness does come to light. De audit expose de crookishness.
Dem boys think about a man who build he house fuh $70 million and when he go to sell it de people tell him that de house only worth $38 million. Is nah time fuh de man get a heart attack?
But in Guyana, all dem people who protesting now, never even think about opening dem mouth. All of dem was scared. Some of dem believe that if dem keep dem mouth shut then dem gun get a small piece.
Well as old people seh, de poe bore.
Talk half and try find de $32M NIS money
Jan 20, 2020Former Club Captain, the veteran Patrick Prashad, pulled all the stops to edge out LGC President Aleem Hussain in their Championship (0-9) Flight, finishing tied in an exciting day of golf under fine...
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]