Latest update April 19th, 2024 12:59 AM
Apr 26, 2016 Dem Boys Seh, Features / Columnists, News
Is only de other day dem boys was talking about how life does change. Fuh some people it does change fuh de better.
Dem boys see people who was ordinary hustlers and who did honest things to develop demselves. Today, dem is prominent people.
Then dem had another set who wait till dem tun politicians and began to handle de taxpayers money. All of a sudden dem get prominent too. Some of dem get so prominent that people use to see dem belly before anybody see dem.
Ordinary people use to see de house wha some of dem build before dem see some of de people. But old people got a saying, what comes by dishonest means does disappear de same way.
Dem boys know when some of dem full dem pockets but dem didn’t know that when de government change dem would have to find new ways of putting up de money.
People was watching dem and nuff of dem see when dem start to shift de money out of Guyana.
Of course even before some of dem shift de money out of Guyana dem was big in dem own way. Dem didn’t care bout nutten and nobody. One of dem put a cuss pun an ambassador that de man tek a long time to ketch heself.
Wha go round does come round. A lady call an airline to buy plane tickets fuh she entire family tek a vacation to de States. It wasn’t long before she travel agent tell she that he can’t sell she no ticket.
She cuss him and try directly wid de airline. The ticket counter clerk couldn’t sell she either. That is how she all Bee Jay. Dem boys know he as Jagdeo. That is when she learn that she is de second person to call him to seh that dem airline not selling dem tickets to de States. De other was a man who use to share out land.
De story buss out. Uncle Sam revoke dem visa. Dem boys don’t know why but dem know who.
Talk half and wait to find out.
Please share this to every Guyanese including your house cats.
Apr 19, 2024
SportsMax – West Indies Women’s captain Hayley Matthews delivered a stellar all-round performance to lead her team to a commanding 113-run victory over Pakistan Women in the first One Day...Kaieteur News – For years, the disciples of Bharrat Jagdeo have woven a narrative of economic success during his tenure... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]