It is sad when people in this country beginning to feel that Guyana is becoming a place where ‘truth’ sounds like hate to those who hate ‘truth’.
De Waterfalls paper tell this nation so much truth that cause politicians to hate de newspaper wid a passion and a vengeance.
De reporters talk bout BaiShanLin who latch on like leech to de Pee Pee Pee leaders and mek some of de present day leaders call dem spirogyra. De same spirogyra tun round and hold on pun dem.
Dem go so far to seh dem bringing BaiShanLin wid a different name. No wonder de nation talking how de people ain’t get change, that dem get exchange in this country.
De last govt seh dem sell GTT shares. Dem boys always know that de sale was a scam; that somebody wanted to thief de shares and thief de money too.
Now dem got confusion because dem don’t know why company buy de shares. One time dem seh is one Pompey and now dem seh is another Pompey.
De fuss Pompey, dem seh, deh in Beijing. Now dem seh de second one deh in Hong Kong.
More confusion. Joe ShanLin seh he been at Shanghai fuh talk to one of de Pompeys. Dem boys don’t know which one and according to de Chat-3 he either collect de money or he know something bout it.
Then, dem boys see another BaiShanLin in Guyana. De only thing is that this one is of Canadian origin. Dem in de gold industry.
Dem sneak in Guyana, mek nuff promise and pass nuff, nuff money to dem big boys in de Pee Pee Pee and de Pee Hen See.
Dem tek over Omai Goldfields, promise to pay and never pay. Now dem owe over US$10 million. Dem boys hear dem ship out US$100 million in gold and Guyana never even get ten cents. All this was allowed to happen under Jagdeo, that scamp, and Donald Dumb.
Dem boys want tell Soulja Bai that he got to check on all dem foreign company in Guyana. Dem gun hate dem boys but de ‘truth’ sounds like hate to those who hate ‘truth’.
In some countries, and Guyana is one of dem, people does hang de petty thieves and appoint de great ones to public office.
Is not dem boys seh suh, is Aesop seh suh but dem boys believe it. Is true.
Talk half and chase dem crooks out de place.
Sep 15, 2019Briton John stormed to victory in the feature 35-lap race of the Triskits Biscuit, Midwest tea biscuit cycle event which was contested yesterday at inner circuit of the National Park. John took an...
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]