Careful wid you words. Once they are said they can only be forgiven, not forgotten. Moses and Lennox Shadick, de man who head de Broadcast Authority, need not forget dem words.
Dem got words that does remain in people’s memory fuh a lifetime.
De entire coalition, even Moses, did seh when Jagdeo issue dem radio, TV and cable licence, it was wrong and dem should be revoked. One year into office and this still to happen.
As a matter of fact, Moses now saying more licences can be issued. In short, he telling people to lef de people wid de licence dem get illegally. But he colleagues dem saying, “Tek dem all back and create a level playing field.”
All Guyana agree wid that except de people who get dem licence fuh free.
Dem boys want ask de GNBA if somebody bully dem and tek way dem personal property wha dem gun do? Allow dem to build a house suh that dem and dem family can live a good life while you and you family live on de road?
Dem boys want to remind de GNBA people that dem licence is not mining claims or forestry land that was illegally given away, all Guyana know to who and who. Gold and diamond plus lumber does done but de airwaves remain forever. That is why dem boys suh serious about de airwaves.
According to Leonard Shadick, one of de excuse is that people spend money to buy equipment and start up dem radio station.
Dem boys want to know if Leonard Shadick buy a thiefing sheep and spend money to dress she up, and six months later, de owner pull up wid de police at he sheep pen for it, if he expect de owner to tell de police that Leonard should keep de sheep because he spend money fuh dress it up. Utter nonsense.
Leonard Shadick trying to also seh that if people go down that route to revoke dem licence then de people gun tie up de matter in de court house fuh years.
Dem boys want tell him is everybody waiting fuh de last five years and another 50 years wouldn’t hurt dem waiting for a level playing field rather than tek de new set of rejected frequencies dem willing to issue to dem boys and dem other media houses. De Bible seh.
Joseph wait 13 years
Abraham wait 25 years
Jesus wait 30 years
Moses, not this one, wait 40 years.
Dem boys prepare to wait even if it tek 50 years.
Wha dem boys want everybody to know is that dem frequencies ain’t deh pun no radio so it mean that dem boys and de others will pay a licence fee to talk to demself and listen to dem own voice and pay .
Another thing de same Leonard Shadick and Moses was discussing is that people must learn fuh tek wha dem get and wait fuh wha dem want. Kwame use to tek wha he get and dem boys ain’t certain if dem two gun tek wha people gie dem.
Dem boys want to know if de two of dem tek man and wait till dem get wife.
Talk half and dem boys want Moses and Leonard to know dem boys don’t know how or when fuh done talk.
Dec 01, 2020Rain and Walk overs mars latest round W/Dem Masters win Kaieteur News – The adverse weather and a couple of Walk-overs marred the latest round of the GCB/Tropical Spring 0-40 T20 cricket...
By Sir Ronald Sanders Kaieteur News – Human rights and constitutional violations in Haiti have been ignored for too... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]