Yesterday was one of dem gyal budday at de Waterfalls paper suh de boss man decide to carry de entire staff to lunch at Cara Lodge.
Upon arrival dem boys hear singing: Oh Mahinda, Oh Mahinda, gas a come and price nah fall at all; Rice and sugar dear a shap ah wha you mean at all.”
When dem boys hear that dem look cross de road and dem see Mahinda vehicle park on de road. One of de staff shout, “Don’t touch that vehicle; that is bass man Mahinda ride.”
De staff even seh is de first time dem see de vehicle park outside and dem want to know if that is a sign because of de article in de Waterfalls paper yesterday.
De singing continue, “Oh Mahinda, Oh Mahinda, trawler fetchin fuel and you getting rich. Customs getting nutten, oh you son of a bitch.”
Dem boys seh he just like de bandit who rob de gas station two nights ago. Some of Mahinda fuel did just land and de owner didn’t pay. Dem boys hear that de bandits go to thief Mahinda kickback and one of dem outsmart de other.
He send he wid de knife to go and tek way de people money and as soon as he come out de door wid de money he padnah in crime shoot ee straight to he forehead, grab de sauce and beat out.
Is thief, thief from thief and Gawd laugh till ee cry. Think about dem boys. Dem still crying.
But wheh laugh deh, cry deh. And Soulja Bai is de fuss one fuh understand that saying wid that decision he mek to allow Ministries and RDCs to okay bigger contracts that dem used to.
Previously, dem boys know Ministries and other govt institutions couldn’t exceed $1M on a single project without going to de tender board. So dem use to split de tender. If dem had to embark on a project that cost $5M, dem use to award the tender piece-piece, so that dem can get dem kickback and don’t have to go de tender board.
Dem boys seh Soulja Bai better tek note. Increasing de contract to de Ministries and de RDC means giving de tender board less wuk and increase de kickback wid de RDC and de Ministries.
Talk half and remember RDC mean Raping de Calf. Dem Ministry will; now rape de cow.
Jan 21, 2019President of the Guyana Football Federation (GFF) Wayne Forde challenged participants of the Concacaf facilitated two-day Club Marketing Workshop, which c oncluded yesterday, to strive to implement...
The Police Commissioner told a press conference that Charrandass Persaud is being investigated for bribery and if possible... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]