Yesterday, dem boys learn another thing about that scamp, Jagdeo. Dem learn that de way Jagdeo tie up Guyana, dem wish he did tie up heself suh wid de lady he seh he married.
He tie up all dem contracts till he tie up Soulja Bai govt. Yesterday de River Man seh that half of de money fuh de airport project already pay to de contractor. Dem boys lef giddy because de wuk ain’t deh no way close to half way.
Is like building a house and de contractor tek half of de money as soon as he knock two nail and tie two steel. That is exactly wha that scamp Jagdeo do to many of de projects wha this new govt can’t even reject, stop or throw out.
And this nation still believe that Jagdeo is de best thing fuh Guyana. Wha Soulja Bai don’t know is de only reason you does pay a contractor half de money up front is to mek sure you get you kick back from de start.
Dem boys know Jagdeo best friend, Babbie, give a lot of kickback till he get kick up. He use to get de whole 100 per cent advance payment without any tender. Whatever price he call that is wha Jagdeo use to fork out.
He bring everything under de sun suh till he forget some of dem pun de wharf. One of de things he forget, dem boys hear, was a big long pole.
Dem boys hear that he and Jagdeo did plan to fly dem own flag because of de assets and massive wealth dem accumulate. Dem done decide that Guyana belong to dem. Jagdeo dem lose de election and couldn’t get to use that pole.
Soulja Bai hear bout de big, long pole and he like it. He tell Li’l Joe fuh tek de pole and put it pun Moses. Moses in turn put it fuh stand up in Durban Park wid de biggest Guyana flag.
When dem stand up de thing it long and bend. But dem still use it.
Talk half and watch wha bend Babbie pole.
Jun 26, 2019By Sean Devers Romrima Tennis Club’s Gavin Lewis and Afruica Gentle captured the Lion’s share of the prizes presented by the Guyana Tennis Association (GTA) when the Awards Ceremony for the GBTI...
By Sir Ronald Sanders In what is increasingly becoming a pattern of ignoring established procedures and authority in the... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]