That scamp Jagdeo know that nuff of he friends and followers gun end up in jail. He see how dem was learning from him. He think he got immunity and nobody can send him to jail. He also know plenty of he friends and followers or he students like Brassington, Ashni and nuff others, including Babbie might end up in jail.
That is why he set de stage to mek sure that prisoners eat and sleep well.
Dem boys never know that a prisoner does eat so well. Rum Jattan seh it costing Guyana about $485,000 a year to feed one prisoner. When dem boys read that information it tickle dem brain because dem didn’t went far in school like Rum Jattan and Soulja Bai.
When dem boys do de Maths is two things come to dem mind; is either de prison official thiefing de money and de supplies to feed dem, friends dem family and dem lovers wid de prison food, or dem prisoners eating better than Soulja Bai and Rum Jattan but not as good as Jagdeo.
Dem boys seh if prisoners can eat so good no wonder de crime situation so bad.
Dem boys can understand why people committing so much crime. Dem and all want to go and live there. Kwame spend two morning inside and he put on weight pun he lip and he behind.
Dem boys now want to tell Run Jattan that dem got bigger thiefing elsewhere than what going on in de prison.
For example, dem boys get an insight into what is going on wid de fuel supply to Guyana. De things dem boys hear gripe dem belly and dem know that if Soulja Bai hear a coonch of it, he gun throw up and run and lef de presidency. Jagdeo, that scamp, created de GEA in 1997 and it tun out just like how dem boys does describe him.
Talk half and mek sure you hold on pun copy of de Waterfalls paper every day. Nuff things coming out.
Sep 23, 2018By Sean Devers Three-time Champions GCC beat Police by 15 runs in yesterday’s the NBS 40-overs second division semi-final at Bourda to advance to the final against the winner of two-time champions...
During the CPL semi-final, my wife and I were switching channels after each over to escape the onerous banality of seeing... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]