Remember de days when people use to camp out outside Bourda cricket ground fuh get in to watch Test cricket? Dem was de great days. People actually use to sleep outside de ground. Dem days gone but people gun be doing de same thing tonight.
Since yesterday people start to cook and bake what dem had to bake. Was like when dem families use to prepare to tek dem li’l children to see de Mash float. People use to cook and bake then lef dem home soon morning to go to de National Park.
Whole day dem boys smelling food; dem see people running to buy picnic basket. Dem boys done believe that was Mash people preparing for until dem hear that Kwame and he boys going to court.
People know that de police gun set up barricade suh dem intend to beat de police. That is why dem mekking all de preparations. Dem boys seh that is a good thing that dem ain’t got no big Mash event because Kwame and he friends woulda steal de show. By de time dem lef de court to head to jail people woulda done decide to ignore Mash.
Donald and Rohee done holler bout political pressure. Dem boys seh that dem is de only people who can talk because dem name ain’t call yet. Jagdeo very quiet. He and some others ain’t saying nutten. Dem look like when people waiting fuh de hammer drop.
And fuh people who don’t have money dem boys got nuff lawyers. One try to see if he could get some excuse suh he holler how de police beat he client. Another one claim how de police starving he client. He tell dem boys that since dem ban Styrofoam, he client got to eat rice wrap up in brown paper.
Nobody know who cooking because de police not allowing people from outside to carry food since somebody might want to poison dem men to stop dem from talking. Fuh all de mouth he got Kwame very silent. Dem boys seh that he looking forward to going to remand.
As old people seh, out of evil cometh good. Fuh people like Kwame going to jail gun be a good thing. There will be no shortage of what he does get outside.
Talk half and pack you basket.
Jun 26, 2019By Sean Devers Romrima Tennis Club’s Gavin Lewis and Afruica Gentle captured the Lion’s share of the prizes presented by the Guyana Tennis Association (GTA) when the Awards Ceremony for the GBTI...
By Sir Ronald Sanders In what is increasingly becoming a pattern of ignoring established procedures and authority in the... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]