Everybody know that Courts does give away a lot. You can even go to dem wid no down payment and you getting de whole item—100 per cent.
Everybody think that was de best dem ever see or hear about. Jagdeo beat that. He mek Courts look like plaything.
When dem boys use to tell de nation that Jagdeo give away three-quarter of Guyana people use to meet dem boys pun de road and cuss dem.
Dem same people use to admit after de cussing that wholesale thiefing use to go on, but dem use to seh that dem boys use to exaggerate.
Even some of dem in de old opposition use to tell dem boys it ain’t suh bad how dem use to put it over. But last night Trotty mek nuff people cry.
He announce that de Pee Pee Pee government give away every inch—100 per cent of Guyana’s productive forest land.
When dem boys did show de photos of de mining camps and de logging sites showing de magnitude of what was going on in Guyana, people still didn’t tek notice. It tek a change of gov’t fuh another set of politricksters to find out. And dem boys seh de only way dem find out so quick was when dey go to see wha lef fuh dem.
But joke is joke and poke is poke. Dem boys seh all of we pickney and grandpickney don’t even have a blade of grass fuh get.
People now demanding that Soulja Bai and Rum Jattan tek back wha Jagdeo and Rob de earth give away. Rob de Earth dun get away and play that he looking fuh wuk in America. But dem boys know otherwise, and is Uncle Sam whisper that to dem boys.
Dem boys learn later that Jagdeo always love 100 per cent of everything. He best friends use to get 100 per cent of everything. Babbie get 100 per cent of Sanata complex; he get 100 per cent fuh import and supply spoil milk and expired drugs; Brian use to get 100 per cent of all certain contracts; Tulsie de pump man use to get 100 per cent of all dem pumping job; and dem Chiney use to get 100 per cent of all de Marriott, all de airport and even down to Amaila hydro seed.
Jagdeo last 100 per cent give away was when he give de presidency to Donald Dumb.
Talk half and wait fuh hear more of Jagdeo’s 100 per cent giveaways.
Nov 15, 2018On Sunday last, Head of the IKD 9th Dan Shuseki Shihan Frank Woon-a-Tai, 8th Dan Shihan Maureen Woon-a-Tai (IKD Vice-Chief Instructor) and 8th Dan Shihan Bernice Hughes, assisted by Amir Khouri 7th...
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]