Latest update March 28th, 2024 12:59 AM
Feb 02, 2016 Dem Boys Seh, Features / Columnists, News
When dem boys was young, dem use to play games; one of dem was ‘Eeenie, meenie minee mo’. This is a game to decide who gun pay de penalty or who gun get shack out. De ABC countries tell Soulja Bai he got to investigate and charge dem scamps who use to run this country.
Dem boys hear when de Fuss Lady whisper to one of she friends when she tell she how whole night she hear Soulja Bai playing “eenie, meenie minie mo” in de bedroom. She seh when she ask he if he not too big and old fuh that game, he tell she he don’t know where and wid who to start. He got all de past Cabinet photo line-up pun de bed in front of him playing de game.
During de election campaign everybody know that corruption was de game of de day. People couldn’t tek it no more, hence Soulja Bai in office. He did promise to jail people. Now it look like if he slow to keep he promise.
But is not that he too slow, is just that it so much that he don’t know where to start. Dem boys want help him. Dem want him to investigate de Sanata complex deal. Babbie get it almost free.
Nineteen-acre prime land wid buildings on it wha’ worth at least US$30 million, Jagdeo and Brassington tek taxpayers US$5 million fuh clean up de place and renovate de buildings. Then dem tun back and sell de place fuh under US$4 million.
Dem boys want to know wha transaction is that. Dem want Donald Trump to explain that.
Was de same thing wid Duke Lodge. Dem boys remember when dem sell Duke Lodge to Gerry. Was de same modus operandi to give away de state property to dem family and friends. Brassington and Jagdeo spend about $80 million to repair Duke Lodge then give Gerry fuh far less than wha dem spend.
At de time Gerry was a serving member of de NICIL Board, de same people that selling de place.
Dem had people bid higher than that, but Jagdeo and Brassington ignore dem bids. When dem boys question Jagdeo and Brassington, dem talk bout confidentiality clause fuh sell a property.
Donald Trump should explain this too.
One year before Jagdeo and Brassington decide to sell de building next door to Duke Lodge, dem boys write and seh that de deal was to give Gerry too. So said, so done.
De US$12.5M Enmore packaging plant wha worth less than US$4 million should be investigated. Chris Ram wanted to investigate it free of charge. Rob de Earth, that scamp, agree then change he mouth or he woulda been in prison by now.
Dem boys seh that Soulja Bai need to investigate all dem land deals that Irfaat, Jagdeo and Brassington, dem three scamps, give away. Wha dem nah give away, dem swap fuh other property.
Dem pumps, dem road contract, de drug contracts, last not least, Luncheon $69M fowl pen fuh an NIS building in Berbice, every deal under dem was crooked.
But dem boys seh that de time coming when Soulja Bai gun just seh ‘mo’ and de jailing gun start.
Talk half and wait fuh de hammer to fall.
THIS IDIOT TELLING GUYANA WE HAVE NO SAY IN THE 50% PROFIT SHARING AGREEMENT WE HAVE WITH EXXON.
Mar 28, 2024
Minister Ramson challenge athletes to better last year’s performance By Rawle Toney Kaieteur Sports – Guyana’s 23-member contingent for the CARIFTA Games in Grenada is set to depart the...B.V. Police Station Kaieteur News – The Beterverwagting Police Station, East Coast Demerara (ECD) will be reconstructed... more
By Sir Ronald Sanders Kaieteur News – In the face of escalating global environmental challenges, water scarcity and... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]