Latest update March 29th, 2024 12:59 AM
Jan 22, 2016 Dem Boys Seh, Features / Columnists, News
When dem boys seh that Jagdeo is a devil, people use to seh that dem was wicked. Is now people seeing just how much of a devil he is. When he was president he nearly bruck up de sugar industry.
He tek de Skeldon factory that was wukking good and shut it down fuh use de one he mek de Chinee people build fuh a jewel and a crown. To this day de new factory not wukking well. In fact, one day Jagdeo run and lef it. De people then had to mek de decision to bring on back de old Skeldon factory.
He put in Donald Dumb who had a big hand in de sugar industry and who help bruck it up. Soulja Bai tek over and de next thing dem boys know is that de sugar business start to look good. Jagdeo tell people how is de wuk wha he put in cause de sugar factory to do well.
But this is de same Jagdeo who shut down two sugar factory, one after de other. He shut down Diamond and he didn’t mek joke to tell dem cane cutters that if dem don’t like wha he doing dem can lef de wuk.
Dem same workers had to pack de bag wid some food long before bird wife wake to get to LBI. Then Jagdeo decide to shut down LBI. Dem poor sugar workers had to think about travelling from Diamond to Enmore. That mean that dem didn’t have to get up because dem never go to sleep. Dem couldn’t afford to.
Now is de same Jagdeo telling dem sugar workers to protest because Soulja Bai closing down Wales estate. Wales so old that de people who mek de mills dead long time and de mills also dead. But Jagdeo who nearly close down de treasury telling people to strike if anybody shut down a sugar factory.
This man trying to be relevant when de truth is that he redundant like some of dem sugar workers. He just like de Wales factory, leaking and inefficient.
Talk half and watch how Jagdeo trying to mek people notice him. .
THIS IDIOT TELLING GUYANA WE HAVE NO SAY IN THE 50% PROFIT SHARING AGREEMENT WE HAVE WITH EXXON.
Mar 29, 2024
By Rawle Toney Kaieteur Sports – After a series of outstanding performances in 2023, Tianna Springer, dubbed the ‘wonder girl’, is eagerly gearing up to compete in this year’s...Kaieteur News – Good Friday in Guyana is not what it used to be. The day has lost much of its solemnity. The one day... more
By Sir Ronald Sanders Kaieteur News – In the face of escalating global environmental challenges, water scarcity and... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]