Brassington buy hydro seed

Jan 08, 2016 Dem Boys Seh, Features / Columnists, News

Dem boys hear a story yesterday and for a moment dem couldn’t believe. One of Soulja Bai security tell dem boys that he was downstairs when he hear Soulja Bai ask Sandra, de Princess, “Since when you learn to bake? I know that you can’t bake and I can’t believe me eyes what I am seeing on dis breakfast table.”
Dem boys learn was a freshly baked pie still sitting in de pan pun de table. Dem hear when Sandra tell him, “Bai, is we neighbor mek it fuh we. I did lend she de pan just before Christmas and she tell me how she feel bad bringing it back, empty. Suh she decide to bake de pie and bring it over.”
Soulja Bai immediately seh, “Gyal Sandra, must lend she we bank book.”
When dem boys hear that dem couldn’t hold back de laugh. That is when dem boys realize that he bruck. Dem boys hope he don’t send it to NICIL because he wouldn’t get it back, much less get something inside. Everybody know dem people inside deh and wha dem was doing wid de taxpayers dollars.
NICIL was de place dem use to stash money here, there and everywhere plus full dem bank book plus bank account.
NICIL is de place that give dem money to build de Barriatt, de Skeldon Plant, de hydro road and mek Brassington get hydro seed. Dem boys ain’t too certain how much more of dem get hydro. Dem don’t even know wha Marcie get.
De other day a sitting government minister cause so much trouble wid he bank book that a bank and a poo poo lawyer seh dem gun sue we.
We merely talk how a govt agency investigating an issue wid a man and he account in de bank. Now dem want sue we, suh dem boys done talk bout bank, lawyers and liars.
Talk half and careful wid you bank book.