Thousands of years ago man discover that he can fetch more than one thing at a time. When he start to hunt and he kill a big animal he used to cut off wha he can eat. But he had to wuk out a way to carry fuh he family. Eventually he and friends devise a sling. But that was only fuh certain thing.
As time pass and he start to gather fruits and de sling couldn’t wuk he devise and devise till he find a basket. Later in life when he end up in jail he find that de Creatah give he a special basket. When people like to talk is a bad thing; de man tell couple people and eventually de people in jail start to check he basket.
Dem boys seh that when women hear dem realize that dem better than man because dem had two basket. De news tek long to reach St Lucia but like anything in de region, news does really travel. That is how two St Lucian women come to Guyana to try out dem basket. Of course dem get ketch but is de amount dem coulda hold.
De other day another woman had a stomach like a mule. Dem boys seh that dem woulda like to see wha she does eat because she end up wid three pounds of cocaine in she stomach. She lucky that she stomach hold dem things fuh so long. But soon after de people hold she was another story.
Dem boys know that when you get in trouble you bowels does loosen and that is wha happen to she. In de height of de questioning she bowels call out. De girl pass out more pellets than a goat. Now she can talk bout de Guinness Book of records because she talk bout other things. De people who was waiting fuh she got to wait pun de Feds.
But one thing still got dem boys worrying. If so many people getting busted why de rest of dem trying? One man seh that some of dem getting through so de whole thing is like a lotto.
Talk half and wait fuh more.
Nov 21, 2019By Zaheer Mohamed Half centuries by Veda Krishnamurty and Jemimah Rodrigues along with some steady bowling handed India Women a 61-run victory against the West Indies Women in the final T20...
One of the intriguing dimensions in the dialogue to renew the Cummingsburg Accord, is that both entities have declined to... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]