Latest update April 25th, 2024 12:59 AM
Nov 18, 2015 Dem Boys Seh, Features / Columnists, News
Nuff young people claiming that dem can’t get wuk. Some of dem seh that dem apply fuh wuk and de only answer dem does get is that dem must wait fuh a call. Dem don’t realize that from de time dem do de interview de boss done know that nuff of dem ain’t fit de bill. Dem either wrong talk or dem give de wrong answer to a simple question.
And dem got people who quick to seh that Guyana ain’t got wuk fuh young people. Nobody don’t consider teaching or nursing or policing or de army as wuk. Dem need teachers like how a shirt need a button, and everybody know that de police force short. Of course, nuff people does call police dog wuk.
Well dem boys prefer to carry home a small piece than to carry home nutten. Some young people does go to an interview and when dem hear how much money dem gun get when de month done dem don’t go back. Who would think it wise to stay home and don’t earn a cent when dem friends can actually buy a coke?
But wha actually happen is that dem young people watch dem old Minister who had nuff money, suh de same young people think that dem got a right to get big money too. Dem see de people big house and dem think that dem must get de same big house.
Nuff young women throw decency through de window and go out wid some big man who got two cents. Jagdeo is a big man who got more than two cents. Nuff young gyal use to sit down and smile wid him. De Chat-3 couldn’t try that because he got other interest.
Some young men decide that dem gun drive minibus and dem who got a University degree does be de best driver.
That is why Soulja Bai got to mek sure that he raise de pay fuh dem jobs that de same young people not tekking. Pay teachers good, pay police good, and bet you last dollar that nobody ain’t gun talk bout no jobs fuh young people.
Talk half and watch how young people gun find jobs.
Jagdeo giving Exxon 102 cent to collect 2 cent.
Apr 25, 2024
By Rawle Toney Kaieteur Sports – The French Diplomatic Office in Guyana, in collaboration with the Guyana Olympic Association and UNICEF, hosted an exhibition on Tuesday evening at the...Kaieteur News – Dr. Bharrat Jagdeo, the General Secretary of the People’s Progressive Party, persists in offering... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]