Latest update April 20th, 2024 12:09 AM
Sep 20, 2015 Dem Boys Seh, Features / Columnists, News
Bloodsuckers. That would include bats, Bar Rat and some other politicians. Dem boys ain’t certain bout all of de present crop but dem know nuff from de last crop. Bar Rat was de lead bloodsucker.
Brassington ain’t deh far behind and is only because he fat and he belly does hold him back.
Dem is de planners fuh nuff of dem projects—de Berbice Bridge wha sucking de life of dem poor Berbicians and fulling dem pocket.
De Marriott was another one, designed fuh dem same people to live like kings and queens. It was also designed fuh dem to own it and full dem pocket and dem Pees. Brassington and Babbie and Bar Rat had special rooms designed fuh dem alone.
As fuh de Amaila Falls, if it did kick off dem woulda own it too and our grand children would’a end up paying dem grand children. That is de kind of life dem was setting up fuh dem and dem grandchildren after sucking de blood of de ordinary taxpayer.
Now dem out of office dem planning disruption and confusion. Dem boys hear dem saying some things that dem want to know if Guyanese suh stupid fuh believe.
One of de things dem seh is that Charity and Suddie hospital falling apart. Who mek it falling apart today? De coalition? This was reported in Jagdeo own newspaper.
Another headline got Jagdeo claiming how he challenge de new administration to declare dem assets when he is still to tell de nation wheh he get de money to build de mansion and buy dem other property he got.
Dem boys always know that when he can’t answer he does run and tun things around. He couldn’t handle questions bout de sugar because he bring a corn flour factory and name it sugar factory.
He and Brassington dem couldn’t find market fuh rice all dem years now dem blaming de new government wha just go in office de other day.
Dem boys hear he telling de rice farmers to bring out dem machines and park dem up in Georgetown next to Soulja Bai office.
Dem boys got a message fuh de farmers. Dem can come toward Georgetown but dem must stop at Pradoville 2 wheh Jagdeo got he mansion and nuff yard space fuh hold all dem machines.
Dem boys hear bout a story wha match dem suckers. A lady pun a bus and trying to breastfeed she baby and de baby refusing to suck de breast.
De mother tell de baby if you don’t suck she gun give it to de man next to she. De baby still refuse. After half an hour de woman repeats de threat. De man clears his throat and seh, “Lady mek up you mind. I was suppose to get off six bus stops ago.”
These are de suckers—Jagdeo, Brassington, Ashni, Babbie, Bee Kay, Irfaat and Rob de Earth and all dem other Bees. What a bunch of suckers.
Talk half and put things in dem mouth fuh mek dem stop sucking.
Where is the BETTER MANAGEMENT/RENEGOTIATION OF THE OIL CONTRACTS you promised Jagdeo?
Apr 19, 2024
SportsMax – West Indies Women’s captain Hayley Matthews delivered a stellar all-round performance to lead her team to a commanding 113-run victory over Pakistan Women in the first One Day...Kaieteur News – Once a habit has been drilled into you, it returns almost automatically when you return to the setting... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]