Latest update April 25th, 2024 12:59 AM
Aug 01, 2015 Dem Boys Seh, Features / Columnists, News
When you got position and money in you pocket or big office, nuff people does know you. As a matter of fact, everybody does know you.
For example, tek dem two Ministers who end up in court this week. When dem use to move, dem had a drove of people walking behind dem. When dem get charge not a man, not even dem dog was at dem side.
When Jagdeo get charge he and all didn’t have people to go to de court behind him. Donald had to hire couple trucks from Bee Kay and Naught fuh transport protestors outside de nice gyal magistrate court.
Jagdeo and de two of dem crying. People see dem sit down at de side of Freedom House crying. When de shave ice man ask dem wha dem crying for, Jagdeo seh he not crying fuh heself. He crying fuh all of de rest who gun follow dem up de court steps, shortly, including Donald de Dummy.
Dem got to pay fuh all de wrang things dem do to de nation. Dem did not only give away state assets to demselves, friends and family, dem SOBs also give away holidays like if dem own de calendar.
Dem give Emancipation Day, Arrival Day, Amerindian Day, Putagee Day, Chinese Day and White man Day.
Dem suh accustom to give away that dem didn’t think. Kaka roach eat out dem brains, belly plus de other Bee wha Jagdeo don’t have.
Dem boys seh that all dem had to do was mek one day a holiday fuh everybody and call it Everybody Day.
If you call it Black man Day; Coolie man Day, Buck man Day, Putagee man Day, Chinee man Day and White man Day, then all of dem gun row among demself why dem name wasn’t de first one pun de list.
That’s why dem boys seh call it Everybody Day, even if rain fall or sun shine whole day. It belong to all of dem.
Soulja Bai should tek note and cut out all dem blasted holidays dis.
Talk half and watch how all of dem gun get dem own day in court.
Jagdeo giving Exxon 102 cent to collect 2 cent.
Apr 25, 2024
By Rawle Toney Kaieteur Sports – The French Diplomatic Office in Guyana, in collaboration with the Guyana Olympic Association and UNICEF, hosted an exhibition on Tuesday evening at the...Kaieteur News – Dr. Bharrat Jagdeo, the General Secretary of the People’s Progressive Party, persists in offering... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]