Latest update April 19th, 2024 12:59 AM
Jul 15, 2015 Dem Boys Seh, Features / Columnists, News
Even de devil got a friend. When de night come people deh in dem house and dem use to sleep wid one eye open.
De grill dem had pun dem house was not enough. Wha mek other people even get more frighten was when dem hear that dem same bandits go inside a gated community.
Well as dem boys seh, something happen and all de running and jumping that dem criminals use to do come to a full stop. De police ketch de gang just like how fisherman does ketch fish or like when dirt get ketch in a strainer.
But something is a reality. Long time de police use to use dem commonsense. De big ones use to call it intelligence.
Dem would ketch a old criminal and give he something to mek he sell out even he mother. That is wha dem must be do this time.
But something does always bother dem boys and that thing is how fast de news does travel. A woman deh in she house.
De next thing she get a message that she son get shoot. She know and she ain’t been nowhere near de place. She hear even before dem reporter.
Another thing that mek dem boys realize that de devil got a friend is when some people jump up and defend Jagdeo. He announce big and bold that he gun be de opposition leader.
Some people decide to picket Jagdeo and call he a scamp and a liar and all kind of things. Some people seh is true. De same Jagdeo who couldn’t go to court de other day tun up at Freedom House. De people confront him and ask he if he ain’t shame.
Jagdeo stammer and before he could seh anything all dem people who he give land in Pradoville and all who living big, tun up.
Dem seh how Jagdeo is a good man and how he never do anything good, but people should give him a chance to do good. He do something fuh dem when he give dem house in Pradoville.
It look like people got to give him a lifetime. De man just don’t know how to do anything good.
Talk half and wait fuh see when Jagdeo do something good.
Please share this to every Guyanese including your house cats.
Apr 19, 2024
SportsMax – West Indies Women’s captain Hayley Matthews delivered a stellar all-round performance to lead her team to a commanding 113-run victory over Pakistan Women in the first One Day...Kaieteur News – For years, the disciples of Bharrat Jagdeo have woven a narrative of economic success during his tenure... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]