Latest update March 28th, 2024 12:59 AM
Jul 12, 2015 Dem Boys Seh, Features / Columnists, News
Whenever two people get wrong dem does do things fuh spite one another but most time dem does hurt demself when dem think dem hurt de other person.
Tek de case of Guyana and Venezuela rice deal. Guyana trying to find anything that de country got to give de people a better way of life and Venezuela get vex. De other day Guyana bring some people and dem find oil. When Venezuela hear that dem get more vex. Dem cut off de rice dem use to buy from Guyana and it look like dem gun cut de li’l oil dem does send here, too.
Guyana can’t seh nutten fuh save he soul.
Is like a man and he wife. De man ain’t agree wid wha he wife do so he stop give she money to provide grocery and pay de rent.
One day he come home hungry but because he vex he don’t want no food. And when she insist that he put something pun he stomach he does throw de food and de plate outside. That is wha Venezuela do.
But this thing shouldn’t come as a surprise. Venezuela did tell Donald since before de elections that it was cutting back, that it wouldn’t tek so much rice. But was elections time and Donald call Leslie and tell he to keep he mouth shut. De whole Pee Pee Pee know de story but dem feel if dem was to talk de rice farmers woulda get vex. Is better if dem did talk because dem get de rice farmers more vex.
One rice farmer tell dem boys that he hear when Jagdeo call Venezuela president and tell him to stop buying de rice suh dem can blame Soulja Bai govt.
Dem boys hear de rice farmer waiting to ketch Jagdeo, Donald and Sammy.
But dem boys seh that Sammy sick already, is he deeds ketch up wid him and Donald pressure going up. Jagdeo plug falling down.
Talk half and watch how Jagdeo gun run and lef that same third term that he and de Chinee man instigating.
THIS IDIOT TELLING GUYANA WE HAVE NO SAY IN THE 50% PROFIT SHARING AGREEMENT WE HAVE WITH EXXON.
Mar 28, 2024
Minister Ramson challenge athletes to better last year’s performance By Rawle Toney Kaieteur Sports – Guyana’s 23-member contingent for the CARIFTA Games in Grenada is set to depart the...B.V. Police Station Kaieteur News – The Beterverwagting Police Station, East Coast Demerara (ECD) will be reconstructed... more
By Sir Ronald Sanders Kaieteur News – In the face of escalating global environmental challenges, water scarcity and... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]