Latest update April 20th, 2024 12:59 AM
Jul 11, 2015 Dem Boys Seh, Features / Columnists, News
A prostitute does tek anything and everything that come their way, once dem think dem getting some benefit out of it.
When Jagdeo announce that he gun give out 90,000 laptop to poor people across de country, everybody smile. Dem didn’t know that shaft deh behind it.
Dem boys seh that when de Chinee man from Huawei hear bout this deal he watch Jagdeo like how a sweet man does watch a prostitute. He meet Jagdeo and Brassington and discuss de deal.
De next thing Guyana hear is that this Chinese company give de country a gift of couple thousand laptop. Everybody know what would follow; de Chinese would get de contract fuh supply de 90,000 laptop.
That is how a prostitute would behave when she get a gift. She does open up. Brassington get this gift and dem boys want to know wha he open and how long he open it for.
De other day dem boys find out that de computer wha come as gift was bare shell. Even some in de 90,000 was shell.
Wha happen wid that deal is like a man who see a nice woman and he really want she. He get up some sweet man diamond (that is fake diamond) and fit dem in a pair of brass earrings, a necklace, a finger ring and duck and duck dem all in gold water and deliver.
When she see that she eye, mouth and everything open. De man do wha he want.
In de case of de laptop Brassington and Jagdeo had to tek wha he get. De woman deh bawling fuh de fake wha she get and de poor people still waiting fuh dem computer fuh wuk.
Dem waiting just like how Rohee wukking fuh de party fuh de first time in he life. And fuh de first time in he life he tell de truth. He write a letter and seh, “If there is one political leader in today’s PPP who has come under attack more than any other it is Bharat Jagdeo.”
Dem boys seh that is de only truth that ever come out de mouth of anybody in de Pee Pee Pee. Dem got answer fuh Rohee, though.
Jagdeo is de longest serving president and never did anything good that he or anybody could be proud of. Let Rohee name one thing that Jagdeo do that he, Rohee, is proud of.
And dem boys ain’t talking bout de one and two things that look good. Jagdeo get de maximum benefit from dem.
Talk half and careful wid gifts, especially when it coming from certain people.
Where is the BETTER MANAGEMENT/RENEGOTIATION OF THE OIL CONTRACTS you promised Jagdeo?
Apr 20, 2024
– Elton Dharry and Dexter Marques to headline tonight’s card Kaieteur Sports – The Everest Cricket Club pavilion crackled with tension yesterday as the Guyana Boxing Board hosted its...Kaieteur News – Once a habit has been drilled into you, it returns almost automatically when you return to the setting... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]