Latest update April 25th, 2024 12:59 AM
Jul 07, 2015 Dem Boys Seh, Features / Columnists, News
Wheh dem got bees, dem got honey; wheh dem got money dem got nuff greedy people. Dem suh greedy that dem don’t want lef. Some of dem don’t tek leave.
Dem like porkknockers whenever dem find a spot that got gold dem don’t even stop wuk fuh sleep. Dem does forget dem got family—all because money mekking.
Customs officers don’t tek leave when cheese coming their way. As soon as dem get transfer to somewhere wheh dem can’t mek nutten, like DDL liquor bond, dem does tek all dem leave. Some of dem does even ask fuh advance leave.
Dem boss is de same thing. He never tek leave. Dem boys could even imagine wha coming he way.
Dem boys seh that police is no different from Custom people. Whenever dem deh at locations wheh money passing, like traffic, nobody ain’t want leave or transfer. Dem don’t ever care fuh promotion once de dough coming.
De Top Cop, like de Customs boss, don’t tek leave too, even if dem sick and deh pun dem dying bed. Dem prefer dead on de wuk like Henry Greene.
Then dem boys seh that you got those in de public sector. Dem boys gun only give one example—Wordsworth. He wuk wid Rob de Earth fuss, ten he wuk wid Leslie wha always sickly but none of de three of dem ever tek leave. De two of dem gone fuh channa and lef Wordsworth.
He name, like Brassington, get call in nuff things. Government change and he, like Brassington again, hear de key turning in de jail door lock in dem sleep. He hear de new bosses asking questions and checking up on some things that he name call in. Is only that mek he apply fuh he leave, plus de other leave wha he never use to tek. Is de fuss time anybody in Guyana got more than 300 days leave.
But dem boys seh that dem got people who does tek leave every month because dem don’t get perks, drawback or kickback from anybody.
Tek de firemen and women and dem boss who always deh pun leave. As fuh de firemen and women dem does follow dem boss. That is how de house in Alberttown bun down.
De Fire Chief and de people behind him don’t get nutten except cuss from every property owner who house bun down. De people right fuh cuss dem.
Imagine de fire right behind de fire station back fence and de house bun down. Dem claim dem didn’t have a driver fuh de fire truck. Dem boys seh dem coulda stay right in de fire station and run de hose from de truck and save de house.
But sadly, all of dem tek dem leave suh nobody was there to man de hose much less de truck.
Talk half and think hard about wha dem boys saying.
Jagdeo giving Exxon 102 cent to collect 2 cent.
Apr 25, 2024
By Rawle Toney Kaieteur Sports – The French Diplomatic Office in Guyana, in collaboration with the Guyana Olympic Association and UNICEF, hosted an exhibition on Tuesday evening at the...Kaieteur News – Dr. Bharrat Jagdeo, the General Secretary of the People’s Progressive Party, persists in offering... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]