Latest update April 19th, 2024 12:59 AM
Mar 03, 2015 Dem Boys Seh, Features / Columnists, News
Dem got a saying bout de smart fly. It does get ketch. Everybody know wheh. Dem got some thief man smart just like that fly. Dem deh in Berbice.
No thief man or scamp does want lef a trace. But dem does always lef a trace. Is either dem lef items, footprint, records or even clothes. Jagdeo lef some scamps behind him. Donald Duck tun one.
De other day two of dem went to de back dam, tie up an old man, rob de place of all de valuables including de security camera. De camp had so many things that dem couldn’t fetch so dem see a tractor and decide fuh thief that too. That is wha dem fetch dem stuff wid.
Everybody know that two man can’t fetch a tractor and a tractor can’t move without leffing a trail. Fuh sure it don’t fly like de smart fly.
De old man who dem tie up manage to loose heself and he call de police. Well dem boys hear that de police come and tek notes and seh that dem gun see if dem can find anything.
Dem nutten like dem boss, See-all who don’t see nutten at all. De old man had to tell dem that dem ain’t got to go far to see. Just look under you nose; watch pun de ground and you gun see when de tractor gone. Leh we follow it. De police smile and walk in de wheel track which lead dem into a yard.
De thief man smart like Jagdeo, Brassington and Ashni that dem believe that covering de tractor wid a tarpaulin and some branch gun mek de tractor invisible.
De police find de tractor plus all de things wha dem thief, including de DVR wid de video footage of de bandits demself.
De only people not on de DVR according to de police was Jagdeo, Brassington and Ashni.
Talk half and dem boys ain’t saying nutten more.
Please share this to every Guyanese including your house cats.
Apr 19, 2024
SportsMax – West Indies Women’s captain Hayley Matthews delivered a stellar all-round performance to lead her team to a commanding 113-run victory over Pakistan Women in the first One Day...Kaieteur News – For years, the disciples of Bharrat Jagdeo have woven a narrative of economic success during his tenure... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]