Sam Hinds get push in a corner. He mek a record, not de kind that does play pun gramophone but he enter de record books as de longest serving Prime Minister in de history of Guyana. He serve from 1992 to 2015—whole 23 years. Even Burnham who dem cuss and seh that he was like a ruler fuh life was nowhere near to being a Prime Minister as long as Sam.
Normally, President and Prime Minister does either get vote out or dem does resign like P.J. Patterson and Ptolemy Reid. Sam mek history again. He is de first Prime Minister in Guyana to get shack out.
And dem boys seh that de man even put up he hand and seh that he willing to continue as Pee Hem.
Dem bring a woman because dem boys seh that de Pee Pee Pee had enough of Sam. He was de man who dem use to put whenever dem had problem wid Hoyte and de Pee And See. He wife who dem boys use to call de Second Lady, just to get she vex, seh that she husband get push out because he bright more than Donald.
But is de Harper gyal that surprise everybody. Dem boys didn’t even know that she was into politics. Dem now waiting fuh hear she talk pun de political platform. She got to sing fuh she supper.
And while she singing David and Moses smiling. De whole country did know who was to be president and who was to be Prime Minister. In fact, that is why dem run fuh pull de Harper gyal out of she house.
Dem boys seh that de original plan was fuh give Carolyn Rodrigues de wuk but she seh that she like travel, just like Jagdeo. Is she who tell dem bout de Harper gyal. David and Moses still smiling.
Dem would like to see she in she red jersey when she going to Babu Jaan. And dem want to see how she husband gun get fuh walk about wid dem security guard round he. Moses smiling and David laughing.
Is just Hanand from de Big Market paper. He ask de question who gun drive de Lexus and de Waterfalls bossman did answer him. The bossman was waiting to hear in another article if he gun ask when and where de Lexus will be driven. De bossman still waiting because he gat plenty more answer fuh give dem.
Talk half and tell Sam don’t cry.
Aug 24, 2019Guyana’s fortunes at the female football development level continued its encouraging results trend when the Under-17 Lady Jags hammered St. Vincent & the Grenadines 6-2 in the opening game of a...
U.S. President Donald Trump’s new rule on immigration and nationality, published on Monday, August 12, is not different... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]