When people want to mek a mess of you reputation dem does seh all kinds of things bout you. Dem big ones does call it character assassination. If you talk to you niece somebody who don’t know de child would tell de world how you involve wid young children.
Hanna Benjie and Hanan Pussad from de Big Market paper is two people who listen to wha somebody in Donald camp tell dem and dem claim how dem hear from a observer. Dem hear how de Waterfalls boss man sell he soul.
When people hear that, dem start fuh ask who is de devil that buy de boss man soul. Dem know that is only one man that de Waterfalls boss man does call de devil. But everybody know that no amount of money from that devil coulda buy de boss man soul.
De truth is that de Waterfalls paper controlling de Big Market paper.
De boss man was suh vex that he seh he will not sell he soul to Lamatar, Granger, Prakash, or Nagamootoo. Dem boys hear how de boss man seh that he soul belong to one man and that is de Supreme Being.
He seh that no politician can buy him suh all who spreading de news that mek Hanna and Hanan talk stupidness should watch out because he, de boss man know more Observer than all of dem put together.
Nuff of dem know that dem story ain’t nice. One of dem kill dem mother fuh money. One of dem father knock down a woman and kill she pun Sheriff Street and lef de country. He never spend a day in jail.
Dem boys hear when de boss man seh that as fuh de Donald, he is de lamest duck that ever live in State House. Right now he sick; he tek in Valentine night when he hear Moses and David married and right away people seh that like he want follow Cheddi.
Cheddi did tek in Valentine night and dead de next month. Nuff people tek in wid Donald. But not all of dem get cloth soak in methylated spirits, and smelling salts.
While he wife was soaking he head he whisper, “Girl that thing between Moses and David, is a serious business. Leh we enjoy this big house fuh de next couple morning because is just now we gone.”
She just watch he and cry. “I rather lef you than go back to that small house.”
Talk half and watch how de Big Market paper gun swallow he words.
Feb 17, 2020Two months after she snatched gold at the Caribbean Championships in Trinidad and Tobago, Caribbean champion junior boxer, Alesha Jackman, will have her second overseas engagement. This weekend, the...
The incident described below is the kind of thing the media should report on. But there are so many open secrets in politics... more
Guyanese will have to settle for a salt and rice dinner while the oil companies enjoy a four-course meal, compliments of... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]