People fast but some more fast than others. People busy finding out how some people getting rich. Dem find out yesterday when de police arrest a woman and she husband wid nuff cocaine. De thing is that dem coulda get through. Is only that dem got things fuh peep in people suitcase mek dem get ketch.
A man who use to wuk wid a Minister know de ropes. He use to wuk at de airport before suh he use he contact and get a letter which mek de people use de VIP lounge at de airport. He collect a small piece and he go he way.
But people shoulda suspect because de man was in a hurry fuh separate heself from de big belly woman and she husband.
Dem boys seh that you should see this woman. She belly big up to she throat and she husband deh foot to foot wid she. When de police come in de VIP lounge de man pants front get wet and de woman belly start fuh rumble. People thought that she was ready fuh get baby.
Dem boys seh that all good things must come to an end. If she did land in Canada wid de cocaine she woulda been rich.
At first dem boys thought that de Minister had something to do wid it but de man tell people that he nah even know de two.
Some people does lef de country fuh mek dem children born overseas just to get citizenship. If you born in America you is American; if you born in Canada you is Canadian. Now de question is if you born in jail, what is you? Jailian?
And what about de person who been shipping de cocaine? He got to cut he losses. But dem boys want to know why people still trying to move cocaine through de airport. One woman lef wheh she come from and swallow cocaine fuh walk through de airport. She get ketch.
Fuh de first time in she life since she tun big woman she got to do she business before people. She nearly pass out wha she didn’t swallow. She in jail. She gun get company.
Talk half and wait fuh hear who de cocaine concern.
Nov 18, 2018By Sean Devers The Guyana Defence Force (GDF) has won the last 17 National Boxing Tournaments since the inaugural one was held in 1966 at the Police Training School, but on Friday Night the Soldiers...
When the government announced copyright legislation will come next year, the first critic was former president, Bharrat... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]