Dem boys couldn’t help dream again. Last night dem dream that dem was wukking pun a farm and dem want mould fuh de plants.
Dem ask de farmer wheh dem got to go to find some mould and de farmer send dem behind a tent. Dem thought that dem woulda see a pile of cow shit, but instead dem see Brassington, Jagdeo and Ashni. One was a big, fat pile; de second one was a shaat, squatty pile and de third pile had a crooked look. Dem three pile deh in de sun and dem nah get hard. Cow shit does hard a tap and soft a battam but dem boys seh that dem three pile soft all over.
De man above watching from tap to battam. In fact he watching over too. He watching de Pee Pee Pee Dee Pee Pee and all she action.
De other day de police pick up a homeless man pun de road wid li’l ganja in he pocket. Dem boys hear that de file was sent to de Dee Pee Pee and she seh charge.
De poor fella deh in de lock up, now. That is de kind of people that we police and we Dee Pee Pee sending before de court.
Dem boys seh that if de man had a raise in he pocket or if he did connect to a certain organization close to de Dee Pee Pee or if he was one of Jagdeo friend, like Nandlall, he woulda never get charge.
He woulda deh cock up he foot and smoking ee li’l ganja like a king on de throne if de police and de Dee Pee Pee didn’t put him in jail.
Wow!! As Shaama seh, “Guyana facing a really shad, shad shish-u-ashun, when de police and de Dee Pee Pee got clear evidence of more serious offence and dem pussyfooting if fuh charge.
De Creatah watching.
Talk half and keep you eye pun dem three pile.
Feb 17, 2019It was a quiet afternoon at the Georgetown club on yesterday afternoon as quarter-finals for the plates were played. First up were Ian Mekdeci (5) and Lydia Fraser (10). Fraser started off in good...
I didn’t use “reason” in the plural deliberately. There is one fundamental cultural, sociological and psychological... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]